– جۇمىرتقا وندىرۋگە كەتكەن شىعىندى ارزانداتۋ ءۇشىن جىل باسىنان بەرى قۇس فابريكالارىنا 559 ملن تەڭگە سۋبسيديا بەرىلدى. ەت وندىرەتىن قۇس فابريكالارى 230 ملن تەڭگە الدى. قاراشادا وبلىستىق بيۋدجەتتى سوڭعى رەت ناقتىلاعان كەزدە مال شارۋاشىلىعىن سۋبسيديالاۋعا قوسىمشا 950 ملن تەڭگە ءبولىندى جانە وسى سومانىڭ جارتىسىنان استامى قۇس ءوندىرۋ سالاسىنا باعىتتالدى, – دەدى قاراعاندى وبلىستىق اۋىل شارۋاشىلىق باسقارماسىنىڭ جەتەكشىسى ساعىنجان اپاقاشوۆ.
وبلىستا جىل باسىنان بەرى شامامەن 600 ملن دانا جۇمىرتقا وندىرىلگەن. بۇل كولەم ىشكى قاجەتتىلىكتى قاناعاتتاندىرا الادى. ءونىم شەت ەلگە ەكسپورتتالادى. بيىلعى جىلى اۋعانستان مەن وزبەكستانعا قاراعاندى وبلىسىنان 170 ملن دانا جۇمىرتقا جىبەرىلگەن.
– مەملەكەتتىك قولداۋسىز ءبىز دامي المايتىن ەدىك. سۋبسيديانىڭ ارقاسىندا ءوندىرىسىمىزدى جاڭارتىپ, جاڭعىرتىپ جاتىرمىز. قازىرگى تاڭدا ءبىز ەكى قۇس ساقتاۋشى عيماراتتا جابدىقتاردى جاڭارتۋدى اياقتاپ قالدىق. وسى جىلى قۇس تەزەگىن وڭدەۋگە ارنالعان بيوگازدىق ستانسانى ىسكە قوستىق جانە وندىرىلگەن ەلەكتر قۋاتىن قازىردەن باستاپ سىرتقى نارىققا «جاسىل باعامەن» ساتىپ جاتىرمىز, – دەيدى «قۇرما» اگروفيرماسى» جشس-ءنىڭ ديرەكتورى الەكساندر ديدەنكو.
قايرات ءابىلدا,
«ەگەمەن قازاقستان»
قاراعاندى
