«رۋحاني جاڭعارۋ» باعدارلاماسىن جۇزەگە اسىرۋ ماقساتىندا وتكەن كونفەرەنتسيادا تاريح ءپانى مۇعالىمدەرىنىڭ تاريحشىلار, ادىسكەر عالىمدارمەن, وقۋلىقتار جانە وقۋ-ادىستەمەلىك كەشەندەر اۆتورلارىمەن «تۋعان جەر», «تۋعان ەل», «قازاقستاننىڭ كيەلى جەرلەرى» ۇلتتىق جوبالارىن تاريح ساباقتارىندا جۇزەگە اسىرۋدىڭ مازمۇندىق, ادىستەمەلىك, ۇيىمداستىرۋ ماسەلەلەرى بويىنشا كاسىبي تۇرعىدا پىكىر الماستى.
كونفەرەنتسيا جۇمىسىنا قاتىسقان ۇستازدار عىلىمي اينالىمداعى ۇلتتىق جوبالار تۇجىرىمدامالارىنىڭ وقۋ باعدارلامالارىندا, وقۋلىقتار مەن وقۋ-ادىستەمەلىك كەشەندەرىندە كورىنىس تابۋى, ءپان بارىسىندا وقىتۋ ادىستەمەسىنە قاتىستى كوپتەگەن مازمۇندى مالىمەتتەرمەن تانىستى.
ءبىلىم بەرۋدەگى جاڭا تەحنولوگيالاردىڭ قالالىق عىلىمي-ادىستەمەلىك ورتالىعى ديرەكتورىنىڭ ورىنباسارى ماكسيما تەمەربەكوۆا, ءبولىم جەتەكشىسى اكىمجان سايلىباەۆ قاتىسۋشىلارعا ءىس-شارانىڭ تيىمدىلىگىن, مازمۇنىن ءتۇسىندىرىپ ءوتتى.
پىكىرلەسۋ الاڭى وقىپ-ۇيرەنۋدىڭ باعدارلامالىق, ادىستەمەلىك مۇمكىندىكتەرىن انىقتاۋعا, «تۋعان جەر», «تۋعان ەل», «قازاقستاننىڭ كيەلى جەرلەرى» ۇلتتىق جوبالارىن جۇزەگە اسىرۋ اياسىندا وقۋشىلاردىڭ جوبالىق ىزدەنىس جۇمىستارىن ۇيىمداستىرۋ تەحنولوگياسىمەن تانىسۋعا مۇمكىندىك بەردى.
ەلۆيرا سەرىكقىزى,
«ەگەمەن قازاقستان»
الماتى
