پاترۋلدىك پوليتسيا قىزمەتكەرلەرى 80 مىڭ تەڭگەنىڭ ورنىنا 120 مىڭ تەڭگە الاتىن بولادى جانە وبلىس اكىمىنىڭ قولداۋىمەن كەلەسى جىلدان باستاپ, بارلىق سەرجانتتار وفيتسەرلىك لاۋازىمعا اۋىستىرىلىپ, جالاقىلارى 80-نەن 150 مىڭ تەڭگەگە دەيىن وسەتىن بولادى, دەپ حابارلادى ماڭعىستاۋ وبلىستىق پوليتسيا دەپارتامەنتىنىڭ باسشىسى.
بۇرىن جەدەل تەرگەۋ بولىنىستەرىنىڭ قىزمەتىنە تولەنىپ كەلگەن تۇرعىن ءۇي ۇستەماقىسى كەلەسى جىلدان باستاپ بارلىق قىزمەتكەرلەرگە تولەنىپ, وپتيميزاتسيا جۇمىستارى اياقتالعاننان كەيىن, 2019 جىلدىڭ قاڭتارىنان باستاپ, بارلىق پوليتسيا قىزمەتكەرلەرى قايتا اتتەستاتتاۋدان وتكىزىلىپ, قىزمەتتى تەك ەڭ مىقتى پوليتسەيلەر جالعاستىراتىن بولادى.
سونداي-اق پوليتسيا قىزمەتىن جاقسارتۋ ماقساتىندا ەلباسىنىڭ تاپسىرماسىنا سايكەس, قوعامعا جاڭا ۇلگىدەگى پوليتسيا كيىمدەرى ۇسىنىلدى. جاڭا ۇلگىدەگى كيىمدەردى دايىنداۋ بارىسىندا ەلىمىزدىڭ كليماتتىق جاعدايلارى ەسكەرىلگەن.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
