«حالىقارالىق سىيلىق يەگەرى, تاڭعالدىرار ءانشى ديماش تاماشا ورىنداۋىمەن تىڭدارمانداردى ءتانتى ەتتى», دەپ جازدى بايقاۋ ۇيىمداستىرۋشىلارى. ديماش بۇل جولى ءوزىنىڭ كومپوزيتورلىق شىعارماسى «ۇمىتىلماس كۇن» ءانىن شىرقادى. الەمنىڭ تۇكپىر-تۇكپىرىندەگى ديماشتىڭ ونەرىنە ءتانتى بولعان جەلى قولدانۋشىلارىنىڭ شات-شادىمان ريزاشىلىقتارى ءسات سايىن تولاسسىز اعىلۋدا.
«بىرنەشە جىل بۇرىن قازاق تىلىندەگى ءان «الەم ارۋى» بايقاۋىندا ورىندالادى دەسە كىم سەنەر ەدى. ديماش سەن مۇمكىن ەمەستەي كورىنەتىن بيىكتەردى باعىندىرىپ كەلەسىڭ», دەپ جازدى ءانشىنىڭ ەلدەگى تىڭدارماندارىنىڭ ءبىرى.
«الەم ارۋى-2018» فينالى 200-گە تارتا مەملەكەتتىڭ تەلەكورەرمەندەرىنە تىكەلەي ەفيردە تاراتىلدى. ديماش بۇل بايقاۋعا قازاقستاننىڭ اتىنان ونەر كورسەتكەن ەكاتەرينا دۆورەتسكاياعا قولداۋ كورسەتۋ ماقساتىندا بارعان بولاتىن.
ايا ءومىرتاي,
«ەگەمەن قازاقستان»
