بۇل كۇندەرى وبلىس ورتالىعىنداعى «مۇناي-حيميا زاۋىتى» جشس جاڭعىرتۋدان وتكەن سوڭ جىلىنا 6,8 ميلليون توننا مۇنايدى وڭدەي الاتىن قۋاتتى مۇمكىندىككە جەتتى.
مىسالى, وڭىردە وندىرىلەتىن مىس, فەرروقورىتپا, وڭدەلمەگەن اليۋميني الەمنىڭ 40-تان استام ەلىنە جىبەرىلەدى. بيىل ەكسپورتتىق تاۋار الماسۋ 2 ەسەگە, سىرتقا شيكىزاتتىق ەمەس ءونىمدى ساتۋ كورسەتكىشى 2,5 ەسەگە وسكەن.
ال, ەلەكتر ەنەرگياسىنىڭ 22 ملرد. كۆت/ساع سىرتقا ەكسپورتتالادى جانە ەلىمىزدىڭ وزگە وڭىرلەرىنە تاراتىلادى. جىل باسىنان بەرى وبلىس اۋماعىنداعى ستانسالاردا 38 ملرد. كۆت/ساع ەلەكتر ەنەرگياسى ءوندىرىلدى.
كەلەسى جىلى «ەۋروازياتتىق ەنەرگەتيكالىق كورپوراتسياسى» اق-قا قاراستى №5 ءشى ەنەرگوبلوك پايدالانۋعا بەرىلەدى.
سونىمەن قاتار, ەكىباستۇزداعى گرەس-2 ستانساسىنىڭ №3 ءشى ەنەرگوبلوك قۇرىلىسى جالعاسۋدا.
كەلەر جىلى وبلىس ورتالىعىندا, اقسۋ, ەكىباستۇز قالارلارىندا جىلۋمەن قامتۋ ءتاريفى 7 پايىزعا, ەلەكترمەن قامتۋ قۇنى 3,1 پايىزعا, سۋمەن جابدىقتاۋ ءتاريفى 9,4 پايىزعا تومەندەيدى.
فاريدا بىقاي,
«ەگەمەن قازاقستان»
پاۆلودار
