جالپى, 91 ءىستىڭ- 49-ى سوتقا جىبەرىلسە, 3 ءىس توقتاتىلعان. قالعان قىلمىستىق ىستەر بويىنشا تەرگەۋ امالدارى جالعاسۋدا. سىبايلاس جەمقورلىقتىڭ 45 پايىزى - ەكىباستۇز قالاسىنا تيەسىلى.
قالادا جىلدار بويى مەملەكەتتىك قورداعى جەر تەلىمدەرىن زاڭسىز ساتۋمەن اينالىسقان جەر قاتىناستارى ءبولىمىنىڭ قىزمەتكەرلەرىنىڭ ارەكەتتەرى اشكەرەلەنگەن. ولار جەر تەلىمدەرىن 100 مىڭ تەڭگەدەن 150 مىڭ تەڭگەگە دەيىنگى باعامەن زاڭسىز ساتىپ كەلگەن.
ال, وبلىس ورتالىعىندا سىبايلاس جەمقورلىق بارىسىنداعى قىلمىستارىنىڭ 41,3 پايىزى تىركەلگەن كورىنەدى. دەپارتامەنت وكىلدەرى مەملەكەت قارجىسىن تالان-تاراجعا تۇسىرەتىندەرگە جول بەرمەۋ ءۇشىن ناقتى جۇمىس جاساۋدا.
سىبايلاس جەمقورلاردىڭ دەنى-جەرگىلىكتى اتقارۋشى ورگاندارىندا- جەر قاتىناستارى, الەۋمەتتىك سالا, اۋىل شارۋاشىلىعى جانە قۇرىلىس سەكتورلارى سالالارى بويىنشا ۇستالعاندار. پارا بەرتىندەر سانى دا كوبەيگەن. زاڭسىز ارەكەتتەر دە از ەمەس.
مىسالى, «قازاۆتوجول» اق-نىڭ وبلىستىق فيليالىنىڭ, «پاۆلودار جول زەرتحاناسىنىڭ» باسشىلىعىنا قاتىستى قازىر قىلمىستىق ءىس جۇرگىزىلۋدە.
وڭىردە «نۇرلى جول» مەملەكەتتىك باعدارلاماسى بويىنشا «استانا-پاۆلودار» اۆتوبان قۇرىلىسىن جۇرگىزىپ جاتقان مەردىگەر ۇيىمداردىڭ باسشىلارىنان اتقارىلعان جۇمىستار اكتىسىنە قول قويۋ بارىسىندا پارا الدى دەگەن كۇدىك بويىنشا تەرگەلۋدە.
وبلىستىق فيليالعا بۇرىنعى باسشى قايرات كارىباەۆ قىزمەتىنەن كەتكەلى التى ايداي ۋاقىت بولدى, ەشكىم تاعايىندالا دا قويماپتى.
ال, 2015 جىلى باستالعان «استانا-پاۆلودار» اۆتوبان جول قۇرىلىسىنىڭ بيىل دا اياقتالمايتىن ءتۇرى بار. جاڭا قۇرىلىس-جول سالۋدا جەمقورلىققا تۇنشىققان جەمقورلاردىڭ كەسىرىنەن قاراپايىم حالىق, جۇرگىزۋشىلەر ەكى ارادا جول مەحناتىن كورۋدە.
سىبايلاس جەمقورلىققا قارسى ءىس-قيمىل قىزمەتىنىڭ ماماندارى زاڭسىزدىقتاردىڭ الدىن الۋ باعىتىندا دا اتقارىلىپ جاتقان جۇمىستارىنىڭ ناتيجەسىندە كەز كەلگەن قىلمىستىق ءىستىڭ اشكەرە بولاتىنىن ەسكەرتەدى.
فاريدا بىقاي,
«ەگەمەن قازاقستان»
پاۆلودار
سۋرەتتە : استانا-پاۆلودار جولى اياقتالماعان
