ماڭعىستاۋ وبلىستىق پوليتسيا دەپارتامەنتىنىڭ باستىعى قانات تايمەردەنوۆ 5 قازانىندا ەلباسى قازاقستان حالقىنا كەزەكتى جولداۋىن ارنادى, ونىڭ ءبىر باعىتى رەتىندە قۇقىق قورعاۋ ورگاندارىنىڭ جۇمىسىن جەتىلدىرۋدى تاپسىرعاندىعىن بايانداي وتىرىپ, وسى جولداۋدى جۇزەگە اسىرۋ ماقساتىندا ىشكى ىستەر مينيسترلىگىندەگى رەفورمالار, پوليتسيا دەپارتامەنتىنىڭ قازىرگى تاڭداعى احۋالى مەن قازىرگى كەزدەگى وبلىسىمىزداعى قىلمىستىق احۋال جانە قىلمىستىق قۇقىق بۇزۋشىلىقتاردىڭ الدىن-الۋ باعىتىنداعى اتقارىلعان جۇمىستار تۋرالى باياندادى. پوليتسياعا قاتىستى تۇرعىنداردىڭ قويعان سۇراقتارىن تىڭداپ, جاۋاپ بەردى. سونىمەن قاتار, جازباشا تۇردە ۇسىنىلعان ارىزداردى قابىل الدى. ەسەپ بەرۋ كەزەڭىندە كەزدەسۋگە كەلە الماعان, ورتالىقتان شالعاي جاتقان اۋدان تۇرعىندارىنىڭ دا سۇراقتارىنا جاۋاپ بەرۋ ماقساتىندا بەينە سەلەكتورلىق رەجيمدەگى بايلانىس جۇيەسى ۇيىمداستىرىلدى.
- بيىلعى 5 قازانداعى قازاقستان حالقىنا جولداۋىندا ەلباسى قۇقىق قورعاۋ ورگاندارىنىڭ جۇمىسىنا ساپالى قايتا قۇرۋلار قاجەتتىلىگىن بەلگىلەدى. قازىردىڭ وزىندە بىرقاتار وزگەرىستەر باستالىپ كەتتى. ىشكى ىستەر دەپارتامەنتتەرى مەن جەرگىلىكتى پوليتسيا قىزمەتى پوليتسيا دەپارتامەنتى بولىپ قايتا قۇرىلدى. ەندى وبلىس اكىمدەرى پوليتسيا ورگاندارىنىڭ الدىنا قۇقىق ءتارتىبىن قامتاماسىز ەتۋ بويىنشا مىندەتتەر قويادى, سونداي-اق ىشكى ىستەر مينيسترلىگىنە ۇسىنىس بەرە وتىرىپ, دەپارتامەنت باستىقتارىن تاعايىندايدى جانە بوساتادى. پوليتسيانىڭ جۇمىسى سەرۆيستىك ۇلگىگە كوشىرىلىپ, حالىقپەن جۇمىستىڭ جاڭا زاماناۋي فورماتتارى ەنگىزىلۋدە. ەلباسىنىڭ تاپسىرماسىنا سايكەس, پوليتسيا قىزمەتىنىڭ اشىق بولۋى, سونداي-اق ازاماتتاردىڭ ساناسىندا «پوليتسيا تەك جازالاۋشى ورگان ەمەس, قيىن جاعدايلاردا حالىقتىڭ جانىنان تابىلىپ, كومەكتەسەتىن قىزمەت» دەگەن تۇسىنىكتەردى قالىپتاستىرۋ ءۇشىن بارلىعىن جاسايمىز. ماڭعىستاۋ پوليتسياسى قىلمىسپەن جانە قۇقىق قورعاۋ ورگاندارىمەن كۇرەسۋدە ەڭ جاڭا تەحنولوگيالاردى قولدانىپ جانە ماتەريالدىق-تەحنيكالىق جابدىقتارىن, جاۋىنگەرلىك قىزمەتتى وقىتۋ ءتارتىبىن دامىتۋدا, زاڭ شىعارۋ دەڭگەيىندە دە, فيزيكالىق دەڭگەيدە دە كۇندەلىكتى شىڭداۋدا, دەدى ول.
پوليتسيا دەپارتامەنتىنىڭ وقۋ-جاتتىعۋ روتاسى تۇرعىندارعا ارنايى قارۋ-جاراقتار مەن جاۋىنگەرلىك ارەكەتتەر كەزىندە قورعانۋ ءۇشىن جاڭا كيىم ۇلگىلەرىن كورسەتتى.
سونىمەن قاتار ەسەپ بەرۋ كەزەڭىندە دەپارتامەنت باستىعى قازاقستان رەسپۋبليكاسى ۇكىمەتىنىڭ 12.08.2000 جىلعى №1243 ساندى «قىلمىستىڭ الدىن –الۋ, قىلمىستى اشۋعا كومەكتەسكەن ازاماتتاردى ماراپاتتاۋ تۋرالى» قاۋلىسىن جانە قر ءىىم-ءنىڭ 27.11.2004 جىلعى «قوعامدىق ءتارتىپتى قامتاماسىز ەتۋ جونىندەگى ءىس-شارالارعا ازاماتتاردى تارتۋدىڭ ءتارتىبى, نىساندارى جانە تۇرلەرى تۋرالى, ەرەجەنى بەكىتۋ تۋرالى» №641 ساندى بۇيرىعىن باسشىلىققا الا وتىرىپ, ماڭعىستاۋ وبلىسى اۋماعىندا قوعامدىق ءتارتىپتى جانە قاۋىپسىزدىكتى قامتاماسىز ەتۋگە, سونىمەن قاتار قىلمىستاردىڭ الدىن الۋ, جولىن كەسۋ, ولاردىڭ ءىزىن سۋىتپاي اشۋعا ۇلەس قوسقان ازاماتتاردىالعىس حات جانە ء توس بەلگىلەرمەن ماراپاتتادى.
بايانداما پوليتسيانىڭ شىنايىلىعى, ياعني اشىقتىعى جايىندا كەڭەس الۋ ءۇشىن كەلۋشىلەرگە بارلىق قولايلى جاعدايلار جاساۋ ماقساتىندا, دەپارتامەنت عيماراتىنا كىرە بەرىستەگى باقىلاپ-وتكىزۋ پۋنكتىنە اعىمداعى جىلعى قاراشادا كۇردەلى جوندەۋلەر جۇرگىزىلىپ, قايتا جاڭارتىلدى. تالداۋ ناتيجەسى كورسەتكەندەي دەپارتامەنتكە كۇنىنە 150-دەي ازاماتتاردىڭ كەلۋىمەن بايلانىستى, باقىلاپ-وتكىزۋ پۋنكتى ەكى ەسەگە كەڭەيتىلىپ, قوسىمشا "فرونت-ءوفيسى" اشىلعاندىعىن, اعىمداعى جىلدىڭ سوڭىنا دەيىن قالالىق جانە اۋداندىق پوليتسيا بولىنىستەرىنىڭ جانىنان وسىنداي "فرونت-وفيستەردى" اشىلۋىن جوسپارلانعانىن باياندادى. عيماراتقا كىرەبەرىستە بارلىق باسشى قۇرامداردىڭ ازاماتتاردى قابىلداۋ كەستەسى (اتى-ءجونى, قىزمەتتىك بولمەلەرى, تەلەفوندارى) ورناتىلعان. جالپى پوليتسيا دەپارتامەنتتە جىل باسىنان بەرى 117 تۇلعانىڭ قاتىسۋىمەن 32 قابىلداۋ جۇرگىزىلگەن.
پوليتسيا بولىنىستەرىنىڭ كىرەبەرىستەرىندە بارلىق اقپاراتتار مەن مالىمەتتەردى باقىلاۋعا ءۇشىن سەنىم تەلەفوندارى ورناتىلعان, سونىمەن قاتار بارلىق قوڭىراۋلار مەن ايتىلعانداردى جازىپ الاتىن, دەمالىس كۇندەرى مەن تۇنگى مەزگىلدەردە ارىز-شاعىمداردى توقتاۋسىز قابىلدايتىن «102 وپەراتورى» قىزمەت جايىندا اقپاراتتار ايتىلدى. حالىقپەن تىكەلەي جۇمىس ىستەيتىن بارلىق پوليتسيا قىزمەتكەرلەرى قىزمەت اتقارۋ بارىسىنداعى ءىس-ارەكەتتەرى مەن قۇقىق بۇزۋشىلىقتاردى تىركەۋگە مۇمكىندىك بەرەتىن بەينەتىركەگىشتەرمەن قامتاماسىز ەتىلىپ, ىشكى ىستەر مينيسترلىگى باسشىلىعىنىڭ نۇسقاۋىنا سايكەس, قازان ايىنان باستاپ بەينەتىركەگىشسىز قىزمەتكە شىعۋعا تىيىم سالىنعاندىعىن جانە جەدەل باسقارۋ ورتالىعىمەن «ون-لاين» رەجيمىندە پوليتسيا قىزمەتكەرلەرىنىڭ جۇمىسىنا قاداعالاۋ جاساۋ ءۇشىن بارلىق قىزمەتتىك اۆتوكولىكتەرگە دە بەينەتىركەگىشتەر ورنالاستىرىلعاندىعىن مالىمدەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
