جۇمابەك احمەت ۇلى وسى اۋداننىڭ تاناگۇل اۋىلىندا 1915 جىلدىڭ 20 ناۋرىزىندا دۇنيەگە كەلگەن. ءوز زامانىندا رەسپۋبليكانىڭ ساياسي-ەكونوميكالىق, مادەني دامۋىنا قيساپسىز ەڭبەك سىڭىرگەن قايراتكەر. ەل جۇمابەك تاشەنوۆتىڭ ماڭعىستاۋدى تۇركىمەنستانعا قوسۋ, تىڭ ولكەسىنە بىرىكتىرىلگەن سولتۇستىك وبلىستاردى رەسەيگە, وڭتۇستىك قازاقستاننىڭ ماقتالى اۋداندارىن وزبەكستانعا بەرۋگە قارسى شىققان باتىر. قازاقستان جەرىندە يادرولىق جارىلىستار جاساۋعا دا توسقاۋىل قويۋعا تىرىسقان.
ەل گازەتى «ەگەمەننىڭ» باستاۋ كوزى «سوتسياليستىك قازاقستان» گازەتىندە «كازاحستانسكايا پراۆدا» گازەتىنىڭ اۋدارماسى ەتىپ شىعارۋدان قورعاپ قالعان. مىنە, وسىنداي كوزى قاراقتى, كوكىرەگى وياۋ ازاماتتاردىڭ ەسىنەن كەتپەس ەرلىك ىستەر جاساعان جۇمابەك تاشەنوۆتىڭ ەسىمى ءبىلىم ورداسىنا بەرىلۋى وتە ورىندى. بۇل ەڭ الدىمەن جاس ۇرپاقتىڭ ەلى مەن جەرىن سۇيۋگە باۋليتىن ونەگە. اقمولا جۇرتشىلىعى جۇرەگى قازاق دەپ سوققان جامپوزدىڭ جاقسى ەسىمىنىڭ ەندىگى ارادا مەكتەپ وقۋشىلارىنا دەم بەرىپ, جىگەر قۇياتىندىعىنا قۋانىشتى.
بايقال ءبايادىل,
«ەگەمەن قازاقستان»
اقمولا وبلىسى,
ارشالى اۋدانى.
