ا. ەلەمەسوۆ كوستا-ريكا باسشىسىمەن ەكىجاقتى قارىم-قاتىناستاردىڭ قازىرگى جاعدايى مەن دامۋىن تالقىلادى. سونىمەن قاتار, قازاقستان پرەزيدەنتى نۇرسۇلتان نازارباەۆتىڭ نەگىزگى باعدارلامالىق قۇجاتتارىنىڭ نەگىزىندە قازاقستاندا جۇزەگە اسىرىلىپ جاتقان جەتىلدىرۋ پروتسەستەرى تۋرالى ايتىپ بەردى.
قازاقستان ەلشىسى سونداي-اق مەملەكەت باسشىسىنىڭ تاراتپاۋ جانە قارۋسىزدانۋ, حالىقارالىق لاڭكەستىكپەن كۇرەسى جانە كليماتتىڭ وزگەرۋى ماسەلەلەرىندە ءرولىن اتاپ ءوتتى. وعان قوسا, قازاقستاننىڭ حالىقارالىق ارەناداعى سوڭعى جەتىستىكتەرى, اتاپ ايتقاندا, بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە قىزمەتى تۋرالى اڭگىمەلەپ, بۇۇ قاۋىپسىزدىك كەڭەسىندە ەلىمىزدىڭ كانديداتۋراسىن قولداعانى جانە ەكسپو-2017 كورمەسىنە قاتىسقانى ءۇشىن كوستا-ريكا پرەزيدەنتىنە العىسىن ءبىلدىردى.
وعان قوسا, ا. ەلەمەسوۆ ەكى مەملەكەت اراسىنداعى ەكونوميكالىق جانە قۇقىقتىق سالالارداعى كەلىسىم-شارت بازاسىن كەڭەيتۋ ماسەلەلەرىن تالقىلاپ, جاقىن ارادا ەكى ەلدىڭ ازاماتتارى ءۇشىن ۆيزالىق تالاپتاردان ءوزارا بوساتۋ تۋرالى كەلىسىم جاساسۋدى ۇسىندى.
ءوز كەزەگىندە, ك. الۆارادو قازاقستان پرەزيدەنتى ن. نازارباەۆقا جانە قازاقستاننىڭ دوستاس حالقىنا زور ءىلتيپاتىن ءبىلدىردى. كوستا-ريكا ءۇشىن حالىقارالىق قارۋسىزداندىرۋ جانە بەيبىتشىلىك ءۇشىن كۇرەس ماسەلەلەرى ماڭىزدى بولىپ تابىلاتىنىن ايتىپ, قازاقستاندىق باستامالارعا قولداۋ كورسەتەتىنىنە سەندىردى.
قورىتىندىلاي كەلە, ورتالىق امەريكا مەملەكەتىنىڭ باسشىسى ءوز ەلىنىڭ قازاقستانمەن ەكى جاقتى قاتىناستاردى دامىتۋداعى اشىقتىعىن قۇپتادى.
