ءبىرىنشى كەزەڭ تەڭ اياقتالدى. 8-مينۋتتا قوناقتار كومانداسى ساپىنداعى ەڭ بەلسەندى ويىنشىلاردىڭ ءبىرى الەكساندر رىبكوۆتىڭ سوققان شايباسىنا استانالىقتار 14-مينۋتتا ۆالەري ورەحوۆتىڭ ادەمى گولىمەن جاۋاپ قايردى. ەكىنشى كەزەڭدە ەسەپ وزگەرگەن جوق. ال ءۇشىنشى كەزەڭدە «بارىستىڭ» باسىمدىعى ايقىن اڭعارىلدى. 52-مينۋتتا ۆالەري ورەحوۆ دۋبل جاساسا, 59-مينۋتتا پاۆەل اكولزين باسەكەنىڭ سوڭعى نكۇتەسىن قويدى. ەسەپ – 3:1.
قحل-ءدىڭ تۇراقتى بىرىنشىلىگىنىڭ جارىس كەستەسىندە «بارىس» 9-ورىندا كەلەدى. جەرلەستەرىمىز 34 كەزدەسۋدەن كەيىن 48 ۇپاي جيدى. ەندى ولار قيىر شىعىسقا اتتانىپ, ءوزىنىڭ كەلەسى ويىنىن 8-جەلتوقساندا ۆلاديۆوستوكتىڭ «ادميرال» كلۋبىنا قارسى وتكىزەدى.
عالىم سۇلەيمەن,
«ەگەمەن قازاقستان»
