بۇل شارانى دەنساۋلىق ساقتاۋ جانە سالاۋاتتى ءومىر سالتىن قالىپتاستىرۋ ماقساتىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى ۇيىمداستىرىپ وتىر.
اگەنتتىكتىڭ اۋماقتىق دەپارتامەنتتىڭ باسقارما باسشىسى قالامپىر ءۋازىروۆانىڭ ايتۋىنشا, كاسىبي مەملەكەتتىك اپپاراتتى قۇرۋ جانە حالىققا قىزمەت كورسەتۋدە مەملەكەتتىك قىزمەتشىلەردىڭ ءال-اۋقاتى مەن دەنساۋلىعىنا باسا نازار اۋدارىلادى.
- قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ مەملەكەتتىك قىزمەتتىڭ جاعدايى تۋرالى ۇلتتىق بايانداماسىنا سايكەس ايماقتاردا مەملەكەتتىك قىزمەتشىلەرگە ارنالعان دەنساۋلىق ساقتاۋ قىزمەتتەرىن جاقسارتۋ كوزدەلگەن. مەملەكەتتىك قىزمەتشىلەرگە پروفيلاكتيكالىق شارانىڭ ماڭىزدىلىعى ءتۇسىندىرىلدى جانە ولار مەديتسينالىق تەكسەرۋدەن وتۋدە بەلسەندى. ايتا كەتۋ كەرەك, بۇل باستاما «رۋحاني جاڭعىرۋ» باعدارلاماسىنىڭ «وزگەرىستەردى وزىڭنەن باستا» باعىتىنداعى جوبانى ىسكە اسىرۋ ماقساتىندا جانە اگەنتتىك توراعاسىمەن بەكىتىلگەن كەشەندى جوسپارعا سايكەس جۇرگىزىلۋدە, دەيدى ول.
بۇگىندە «نەيرون» مەديتسينالىق ورتالىعى مەملەكەتتىك قىزمەتشىلەرگە مەديتسينالىق قىزمەت كورسەتەتىن بىرىڭعاي ورتالىققا اينالدى دەۋگە بولادى. سەبەبى ولاردىڭ كەڭەس الىپ, ەمدەۋ شارالارىن پايدالانىپ, جىل سايىنعى پروفيلاكتيكالىق مەديتسينالىق تەكسەرۋدەن وتۋىنە كەدەرگى جوق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
