شەرحان مۇرتازا شىعارماشىلىعىنىڭ ارناسى كەڭ. جازۋشىنىڭ «قىزىل جەبە», «ينتەرنات نانى», «مىلتىقسىز مايدان» سياقتى شىعارمالارى شىنايىلىعىمەن ەرەكشە. سونىمەن قاتار, قالامگەر تۋىندىلارىنىڭ ۇرپاق تاربيەسىندە دە الاتىن ورىنى بولەك. جازۋشى شىعارمالارىن مانەرلەپ وقۋ بويىنشا وبلىستىق كەزەڭگە 97 وقۋشى قاتىستى. بايقاۋ ءتورت باعىت بويىنشا ءوتتى. «جۇلدىزى نۇرلى سۋرەتكەر» باعىتى بويىنشا ءبىرىنشى ورىندى نۇرگەرىم نۇرلان جەڭىپ السا, ەكىنشى ورىندى نۇرجان اسان, ۆەنەرا جامبىل, ايگەرىم قۋانىشحانوۆا, ال, ءۇشىنشى ورىندى لاۋرا قياس يەلەندى.
ال, «رۋح پەن نامىستىڭ تورەسى» باعىتى بويىنشا ءبىرىنشى ورىندى مەدەت باتىرحان, ەكىنشى ورىندى كاميلا داناگۇل, كاميلا التىنبەك, سەمبەك دۋمان, ءۇشىنشى ورىندى الىشەر نارەمباي, الىشەر تەكەباەۆ, اسلان نۇرجاسار, بەگىم مەڭدىباەۆ سىندى جاس تالاپتار ولجالادى. سونىمەن قاتار, «زاۋ تۇلعا» كەزەڭىندە ايگ ۇلىم جايلىبەك ۇزدىك اتانسا, ەكىنشى ورىن ايگەرىم ءمۇسىلىم, اياۋلىم سارسەنوۆا جانە ديانا كوپەكوۆا, ءۇشىنشى ورىن توعجان ازات, سالامات وسالى, اياۋلىم اياجانوۆا, عالىمجان تاكەنوۆكە بۇيىردى. سوڭعى باعىت «شەرحان مۇرتازا مۇراسى» كەزەڭىندە بالىم بيمۇرات جازۋشى شىعارمالارىن شىنايى وقۋىمەن ەرەكشەلەنىپ, ءبىرىنشى ورىنعا يە بولسا, ەكىنشى ورىن جانەل نىشانباي جانە ۇلدانا سۇڭعاتوۆا, ءۇشىنشى ورىن نۇرسۇلتان بەگاسىلوۆ, ارۋجان ءجۇنىسباي, ۇلمەكەن جادىراعا بەرىلدى.
ايتا كەتەيىك, ەكىنشى كەزەڭگە 14 وقۋشى جىبەرىلگەن بولاتىن. بەرىلگەن تەست سۇراقتارى ناتيجەسىندە ەڭ ۇزدىك شىققان ت.رىسقۇلوۆ اۋدانىنان كەلگەن نۇرگەرىم نۇرلان اتالعان ۋنيۆەرسيتەت گرانتىن, تالاس اۋدانىنان كەلگەن ۆەنەرا جامبىل 50 پايىزدىق, ال مەركى اۋدانىنان كەلگەن بالىم بيمۇرات 25 پايىز وقۋ تولەماقىسى جەڭىلدىگىن جەڭىپ الىپ, جەڭىمپازدارعا جەڭىلدىكتەردىڭ سەرتيفيكاتتارى تابىس ەتىلدى.
حاميت ەسامان,
«ەگەمەن قازاقستان»
جامبىل وبلىسى
