اگەنتتىكتىڭ اۋماقتىق دەپارتامەنتىنىڭ باسشىسى نۇرگۇل جاننازاروۆا, ولكەتانۋشى القاجان ەدىلحان, تۇركىتانۋشى بەكبولات تولەگەن ۇلى, حالىقتى الەۋمەتتىك قورعاۋ جانە كوشى قون كوميتەتىنىڭ ماڭعىستاۋ وبلىسى بويىنشا دەپارتامەنت باسشىسى ارمان ەلدەسوۆ ءسوز سويلەدى.
- ءبىز ءاربىر ەلگە نەمەسە ۇلتقا ەلىكتەمەي, كەرىسىنشە ءوزىمىز وزگەلەرگە ۇلگى بولا ءبىلۋىمىز كەرەك. بۇل جەردە ەڭ باستىسى سانانى وزگەرتۋ ماڭىزدى. سوندا عانا قوعام جاقسىلىققا قاراي قادام باسادى, ال بىزدەر سوعان سەبەپكەر بولا ءبىلۋىمىز كەرەك, اسىرەسە مەملەكەتتىك قىزمەتشىلەر. حالقىمىزدا «وتان وتباسىنان باستالادى» دەگەن دە ءبىر ءسوز بار. سول سەبەپتى ءاربىر جانۇيادا ىزگىلىك, يماندىلىق, جاۋاپكەرشىلىك تۋرالى كوبىرەك ايتىلسا, وتانعا دەگەن سۇيىسپەنشىلىك قالىپتاسا تۇسەدى, ناتيجەسىندە رۋحاني تۇرعىدان دامي تۇسەرىمىز ءسوزسىز, - دەدى اگەنتتىكتىڭ اۋماقتىق دەپارتامەنتىنىڭ باسشىسى, ادەپ جونىندەگى كەڭەس ءتورايىمى ن.جاننازاروۆا.
قازاق ەلىنىڭ ءار ءوڭىرى قاسيەتتى جانە تاريحىن تەرەڭنەن ءبىلۋ – ءاربىر قازاقستاندىقتىڭ پارىزى. پرەزيدەنت «بولاشاققا باعدار: رۋحاني جاڭعىرۋ» ماقالاسىندا وسى ماسەلەگە باسا نازار اۋدارىپ, «تۋعان جەر» باعدارلاماسىن ۇسىنعانى بەلگىلى. بۇل رەتتە وسكەلەڭ ۇرپاقتى تۋعان جەردىڭ تاريحىن بىلۋگە جانە وتانسۇيگىشتىككە تاربيەلەۋ ماڭىزدى دەگەن نۇرگۇل الماسقىزى «بولاشاققا باعدار: رۋحاني جاڭعىرۋ» جانە « ۇلى دالانىڭ جەتى قىرى» اتتى ماقالادا اجىراماس بايلانىستىڭ بارىن, تۋعان ولكەگە سۇيىسپەنشىلىك تۋعان تاريحىڭدى تەرەڭنەن بىلۋدەن, اتامەكەنىڭدى قۇرمەتتەۋدەن باستالاتىنىن جانە «تاريحىڭدى بىلمەي, بولاشاعىڭدى بولجاي المايسىڭ» دەگەن بابالار ءسوزىن ەستەن شىعارماۋعا شاقىردى.
- ۇلت كوشباسشىسىنىڭ ءوز ماقالاسىندا قازاقستان كۇللى تۇرىك حالىقتارىنىڭ قاسيەتتى قارا شاڭىراعى, تۇركى الەمىنىڭ بەسىگى, تۇركى الەمىنىڭ گەنەزيسى دەپ اتاپ كورسەتۋى التىن دىڭگەگىمىزدى ايقىنداپ بەردى دەپ ويلايمىن. 2014 جىلى تۇركيانىڭ پرەمەر-ءمينيسترى رەدجەپ تايىپ ەردوعان فرانتسيا استاناسى پاريجدەگى قانداستارمىزبەن كەزدەسۋىنە: ءبىز ءتۇبى دە, تەگى دە ءبىر حالىقپىز. اتالى تۇقىم ەشقاشان ازىپ توزبايدى دەپ شەگەلەپ بەرگەن بولاتىن. ۇلىلاردىڭ ۇلىسى تىگىلىپ تۇلپاردىڭ تۇياعى شاڭداتقان ماڭعاز ماڭعىستاۋدا تالاي جەڭىستەردىڭ كۋاسى بولعان قاسيەتتى مەكەن. بەكەت اتا, شوپان اتا, سەيسەم اتا, ايگىلى شاح ماردان قيسساسىنداعى شاقپاق اتا عاسىرلار بويى رۋحاني ازىعىمىز بولىپ كەلە جاتىر, دەدى پرەزيدەنتتىڭ ۇلى دالانىڭ جەتى قىرى ماقالاسىنا پىكىر بىلدىرگەندەردىڭ ءبىرى - حالىقتى الەۋمەتتىك قورعاۋ جانە كوشى-قون كوميتەتىنىڭ ماڭعىستاۋ وبلىسى بويىنشا دەپارتامەنت باسشىسى ا. ەلدەسوۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
