وت شاشقان كورىنىستەر

بيىلعى جىلى قازىلار ال­قاسى 125 ەلدەن 4,5 مىڭ فوتو­سۋ­رەت­شىنىڭ 73 مىڭعا جۋىق تاڭ­داۋلى سۋرەتىن كە­رىم كو­رىنىستەر رەتىندە باعالادى. جەڭىمپازدار مەن جۇلدەگەرلەر قاتارىنا 42 ادام كىردى. قازاقستاندىقتار ەلىمىزدىڭ تەك ءتورت قالاسىندا عانا, ياعني استانا, قاراعاندى, الماتى جانە شىمكەنتتە فوتوجۋر­ناليستەردىڭ بۇكىل الەم­نەن جى­بەرىلگەن ەڭ ۇزدىك فوتو­سۋرەت­تەرىن كورۋگە مۇمكىندىك الىپ وتىر.

World Press Photo – 2018 – بۇل فوتوجۋرناليستيكا سا­لا­سىنداعى ەڭ بەدەلدى حا­لىق­ارالىق بايقاۋ جەڭىم­پازدارىنىڭ كورمەسى بولىپ سانالادى. كاسىبي فو­تو­سۋرەتشىلەردەن جانە باق فوتورەداكتورلارىنان تۇراتىن حالىقارالىق تاۋەلسىز قازىلار القاسى جىل سايىن جەر ءجۇزىنىڭ تۇكپىر-تۇكپىرىندە جۇمىس جاسايتىن فوتوجۋرناليستەردىڭ, اگەنتتىكتەردىڭ, گازەت پەن جۋرنالداردىڭ ۇمىتكەرلەرىنىڭ جۇمىستارىن 9 ءتۇرلى ساناتتا باعالايدى.

سونداي-اق World Press Photo حالىقارالىق فوتوباي­قاۋى جەڭىمپازدارىنىڭ كورمەسى اياسىندا نيدەرلاند كورولدىگىنىڭ ەلشىسى 2018 جىل­دىڭ 10 جەلتوقسانىنداعى حالىقارالىق ادام قۇ­قى­عى كۇنىنە وراي الەۋ­مەت­تىك ماڭىزعا يە تاقى­رىپ­تار­عا ارنالعان فوتو­سۋرەتتەر ونلاين-بايقاۋىن ۇيىم­داس­تىرادى. 

استانا مەن قاراعاندىداعى كورمە اياقتالدى. الماتىداعى كورمە 2 اپتاعا سوزىلادى. قازاقستاندا كورمە ءۇشىنشى مارتە وتكىزىلۋدە. وسىعان دەيىن كورمە استانا, الماتى, قا­راعاندى جانە وسكەمەندە 2013 جانە 2014 جىلدارى وتكىزىلگەن بولاتىن. 

ساپارباي پارمانقۇل, 

«ەگەمەن قازاقستان»

الماتى