جوعارىدا ەسىمدەرى اتالعان ازاماتتاردىڭ ەل سپورتىنا سىڭىرگەن ەڭبەكتەرى ەلەۋلى. ءار سپورتشىعا جەكە-جەكە توقتالساق, بىلىكتى باپكەر مارات جاقيەۆتىڭ قول استىندا جاتتىققان 29 جاستاعى ماڭعىستاۋلىق بوكسشى ادىلبەك نيازىمبەتوۆ 81 كيلو سالماق دارەجەسىندە جۇدىرىقتاسىپ, قوس وليمپيا ويىندارى مەن قوس الەم چەمپيوناتىندا كۇمىس مەدالدى موينىنا ءىلدى ازيا ويىندارىن ۇتىپ, قۇرلىق بىرىنشىلىگىندە توپ جاردى. باسقا دا تولىپ جاتقان اتاقتارى تاعى بار.
ماڭعىستاۋ وبلىسىنىڭ تاعى ءبىر وكىلى, 32 جاستاعى بەرىك ءابدىراحمانوۆ 2013 جىلى الماتىداعى الەم چەمپيوناتىندا قولا مەدالدى يەلەنسە, امماندا ازيا چەمپيونى اتاندى. 2010 جىلى اسكەريلەر اراسنداعى دۇنيەجۇزىلىك دودادا دارا شىقتى. ارۆ جوباسى بويىنشا وتكەن جارىستا 60 كيلو سالماقتا دارا شىعىپ, 2016 جىلى ريو وليمپياداسىنا قاتىستى.
انتونۋ پينچۋكتىڭ دە باعىندىرعان بەلەستەرى از ەمەس. بيىل جازدا 30 جاسقا تولعان قوستاناي وبلىسى رۋدنىي قالاسىنىڭ تۋماسى ازيا ويىندارى مەن ازيا چەمپيوناتىندا الدىنا جان سالمادى. ستۋدەنتتەر اراسىنداعى الەم چەمپيونى. بىرەر جىل دۇنيەجۇزىلىك بوكس سەرياسى دوداسىندا «استانا ارلاندارى» كلۋبىنىڭ نامىسىن ابىرويلى قورعادى.
قازاقستان بوكس فەدەراتسياسىنىڭ جۋىردا استانادا وتكەن جيىنىندا ايتۋلى بوكسشىلاردىڭ جىلى لەبىزدەر ايتىلىپ, ارقايسىسىنا اقشالاي سىيلىقتار بەرىلدى.
عالىم سۇلەيمەن,
«ەگەمەن قازاقستان»
