قازاقستان • 06 جەلتوقسان، 2018

تامىرلاس ەلدەر جاستار جىلىن اتاپ وتەدى

518 رەت كورسەتىلدى

استانادا تۇركى كەڭەسى مەملەكەتتەرىنىڭ جاستار ىستەرى جانە سپورت مينيسترلەرىنىڭ ءۇشىنشى وتىرىسى ءوتتى. تۇركى كەڭەسى مينيسترلەرىنىڭ وتىرىسى ىنتىماقتاستىقتى كەڭەيتۋگە جانە تۇركىتىلدەس مەملەكەتتەر جاستارىنىڭ اراسىنداعى قارىم-قاتىناستى نىعايتۋعا باعىتتالعان. جيىنعا تۇركى كەڭەسىنىڭ باس حاتشىسى باعدات امىرەەۆ، قازاقستاننىڭ قوعامدىق دامۋ ءمينيسترى دارحان كالەتاەۆ، تۇركيانىڭ جاستار جانە سپورت ءمينيسترى مەحمەت كاساپوگلۋ، قىرعىزستاننىڭ جاستار، دەنەشىنىقتىرۋ جانە سپورت جونىندەگى مەملەكەتتىك اگەنتتىگىنىڭ ديرەكتورى قانات امانقۇلوۆ، ازەربايجاننىڭ جاستار جانە سپورت ءمينيسترىنىڭ ورىنباسارى يسمايل يسمايلوۆ قاتىستى. 

وتىرىس بارىسىندا جاس كوش­باسشىلاردىڭ ءىى فورۋمىن، IV حالىقارالىق جاستار لا­گەرىن جانە تۇركى كەڭەسىنىڭ ءىىى حا­لىق­ارالىق جاستار فەستيۆالىن وتكىزۋ ماسەلەلەرى تالقىلاندى.

جيىندى اشقان باس حاتشى باعدات امىرەەۆ تۇركى كەڭەسىنىڭ شارالارىنا قولداۋ كورسەتكەنى ءۇشىن ەلىمىزدىڭ مادەنيەت جانە سپورت مينيسترلىگىنە جانە قو­عام­دىق دامۋ مينيسترلىگىنە العى­سىن ايتتى. سونداي-اق باس حات­شى وتىرىسقا قاتىسۋشىلار تۇر­كىتىلدەس ەلدەر جاستارىنىڭ بىرىڭ­عاي پلاتفورماسىن قۇرۋ يدەيا­سىن قولدايتىنىن جانە ونى جۇ­زەگە اسىرۋعا كىرىسەتىن ۋاقىت كەلگەنىن اتاپ ءوتتى.

«قىرعىزستاندا وتكەن تۇركى كەڭە­سىنىڭ سامميتىندە مەملە­كەت­تەر باسشىلارى جاستار قۇرى­لىم­دارى اراسىنداعى ىنتىماق­تاس­تىقتى نىعايتىپ، جاستاردى راديكالدى يدەيالاردان قورعاۋ ماقساتىندا شارالار قولدانۋعا ءبىراۋىزدان كەلىستى. تۇركىتىلدەس ەلدەرى جاستارىنىڭ بىرىڭعاي پلاتفورماسىنىڭ قۇرىلۋى مۇشە ەلدەر كوشباسشىلارى قويعان ماقساتتارعا جەتۋگە بىر­دەن-ءبىر مۇمكىندىك»، دەدى باعدات امىرەەۆ. 

«بۇگىندە ءاربىر ءتورتىنشى قا­زاق­ستاندىق – جاستار وكىلى. سون­دىق­تان مەملەكەتتىك ساياساتتىڭ وسى باعىتى پرەزيدەنت پەن ۇكى­مەتتىڭ نازارىندا. جاستاردى قول­داۋعا باعىتتالعان باعدار­لا­مالىق قۇجاتتار مەن جوبالار جۇيەلى نەگىزدە ىسكە اسىرىلۋ­دا. ۆەدومستۆوارالىق ۇيلەستىرۋدى جۇزە­گە اسىرۋ ءۇشىن ءبىزدىڭ مينيستر­لىكتىڭ قۇرىلىمىندا جاستار جانە وتباسى ىستەرى جونىندە­گى كوميتەت جۇمىس ىستەي­دى، بار­لىق وڭىرلەردە ۋاكىلەتتى مەملە­كەتتىك ورگاندار قىزمەت اتقا­رادى»، دەدى قوعامدىق دامۋ ءمي­نيسترى دارحان كالەتاەۆ. 

ءمينيستردىڭ ايتۋىنشا، وڭىر­لەر­دە 210 جاستار رەسۋرستىق ورتا­لىعى، 818 جاستار ءىسى جونىن­دەگى كوميتەت، جاستاردىڭ 549 ۇكى­مەت­تىك ەمەس ۇيىمى جۇمىس ىستەيدى. اتقارىلعان جۇمىس­تار­دىڭ ناتيجەسىندە ءبىلىم يندەكسى بو­يىنشا 189 ەلدىڭ ىشىندە قازاق­ستان 31-ورىندا. ال جاستار دامۋىنىڭ جاھاندىق يندەكسىندە ەلىمىز 183 ەلدىڭ ىشىندە 61-ورىندا تۇرسا، تۇركيا – 62-ءشى، قىرعىزستان – 64-ءشى، ازەربايجان – 95-ورىندا. 

سونىمەن قاتار مينيستر جاستار جىلىنىڭ تەك قا­زاقستانعا ەمەس، بۇكىل تۇركىتىلدەس ەلدەرگە قاتىستى جىل بولۋىنا مۇمكىندىك بار ەكەنىن ايتتى. 
«جاستاردىڭ بىرىگۋى ءبىز ءۇشىن ەڭ تابىستى جۇمىس ىس­تەي­تىن جوبالاردىڭ ءبىرى بولىپ تابىلادى. بۇگىندە ءاربىر ءتور­تىن­شى قا­زاق­ستاندىق – جاستار وكىلى. سون­دىقتان بۇل باعىت ءبىز ءۇشىن وتە ماڭىزدى»، دەپ اتاپ وتكەن مينيستر قازاقستانداعى مەملە­كەتتىك جاستار ساياساتىن جۇزەگە اسىرۋدىڭ نەگىزگى اسپەك­تىلەرى­مەن، تۇركى كەڭەسى اياسىن­دا ىنتى­ماق­تاستىقتىڭ پەرسپەك­تي­ۆالىق باعىت­تارىمەن تانىس­تىردى. 2019 جى­لى قازاقستان تاراپى تۇركى كە­ڭەسى جاس كوش­باس­شىلارىنىڭ ءىى فو­رۋمىن وتكى­زۋگە دايىن ەكەنىن جەتكىزدى. 

بۇدان كەيىن ءسوز العان تۇر­كيا­نىڭ جاستار جانە سپورت ءمي­نيسترى مەحمەت كاساپوگلۋ ورتاق مۇرانى بولاشاققا جەت­كىزۋشى رەتىندە قارىم-قاتىناستى ءبىر تىلمەن شەكتەمەۋ كەرەك ەكەنىن اتاپ ءوتتى.

ء«بىز ءتۇبى ءبىر، ءتىلى ءبىر حالىق­تارمىز. بىزگە مۇرا ەتىپ قالدىرعان كۇل­لى تۇركى حالىقتارىنا ورتاق دۇ­نيەنى جاستارعا اماناتتاۋ كەرەك. بۇگىنگى وتىرىستا باس قو­سۋىمىزدىڭ سەبەبى – كووپەرا­تسيا­نىڭ بىرىگىپ ارەكەت ەتۋى. تۇركى ەلدەرىنىڭ قارىم-قاتىناسىندا جاستاردىڭ الار ورنى بولەك. ءبىز ءاردايىم جاستار الەۋەتىنىڭ جوعارى بولۋىنا بار كۇشىمىزدى سالامىز. بۇگىنگى جاستار ەر­تەڭگى كۇللى تۇركى الەمىنىڭ بو­لاشاعى ەكەنى انىق»، دەدى مەحمەت كاساپوگلۋ.

سونىمەن قاتار مەحمەت كاساپ­وگلۋ تاريحي وتان سانالاتىن قازاقستاننىڭ جىلىشىراي تانىتىپ، قۇرمەتپەن كۇتىپ العا­نىنا قۋانىشتى ەكەنىن جانە بويىن ەرەكشە سەزىم بيلەگەنىنە توقتالدى. تۇركيانىڭ جاستار جانە سپورت ءمينيسترى كەلەر جىلى تۇركيادا IV حالىقارالىق جاس­تار فەس­تي­ۆالى جانە 2020 جىلى دۇنيە­جۇ­زىلىك كوشپەندىلەر ويى­نى وتكى­زىلەدى.

«سپورت جاستاردىڭ ومىرىندە ەرەكشە ورىن الۋى ءتيىس. سون­دىقتان وسى باعىتتا جاستار لا­گەرلەرىنىڭ جۇمىسىن جانداندىرۋ قاجەت. كەلەر جىلى ءبىزدىڭ ەلىمىز دۇنيەجۇزىلىك كوش­پەندىلەر ويىنىن، 2021 جىلى يسلام ويىن­دارىنان جا­رىس وتكىزۋدى جوسپارلاپ وتىر. قازاقستانمەن قارىم-قاتى­نا­سىمىز وتە جوعارى دەڭگەيدە. الداعى جاستار جىلى اياسىندا بولاتىن ءىس-شارالاردا تۇركى كەڭەسىنە مۇشە ەلدەر بەل­سەن­دىلىك تانىتادى دەگەن سەنىم­دەمىن»، دەدى ول.

باس حاتشى باعدات امىرەەۆتىڭ ورىنباسارى ومەر كودجاماننىڭ ايتۋىنشا، بۇگىنگە دەيىن تۇركيا مەن قازاقستاندا ۇيىم­داستىرىلعان جاستار لاگەرىنە 1،5 مىڭنان استام ادام قاتىستى. تۇركى كەڭەسىنىڭ كۇن تارتىبىندەگى باستى ماسەلە – ۇيىمعا قاتىسۋشى ەلدەردىڭ جاستارى اراسىنداعى قارىم-قاتىناستى كورپوراتيۆتىك جانە تۇراقتى قۇرىلىمعا اينالدىرۋعا مۇمكىندىك بەرەتىن جاستار تۇعىرناماسىن قۇرۋ.

«تۇركى كەڭەسى بۇل ماسە­لە­دە حالىقارالىق جاستار ۇيىم­دا­رىمەن ىنتىماقتاسۋعا دايىن. شەتەلدەگى وتانداستار جانە تۇركيانىڭ تۋىستىق قاۋىم­داستىقتارى ىستەرى جونىن­دەگى باسقارماسى جاستار تۇعىر­نا­ماسىنىڭ جۇمىسىن قولدايدى»، دەدى ومەر كودجامان.

جيىن سوڭىندا تۇركى كەڭە­سىنىڭ VI جاستار لاگەرى كەلەر جى­لى قازاقستاندا، تۇركى كەڭە­سىنىڭ III حالىقارالىق جاستار فەستيۆالى تۇركيادا، تۇركى كە­ڭەسى ەلدەرى ۋنيۆەرسيتەتتەرىنىڭ ەكىنشى سپورتتىق جارىستارى (تۇركى ۋنيۆەرسياداسى) 2020 جىلى قازاقستاندا، تۇركى كەڭەسى جاس كوشباسشىلارىنىڭ ءىى فورۋمى 2019 جىلى ەلىمىزدىڭ تۇركىستان قالاسىندا وتەتىنى ناق­تىلاندى. تۇركى كەڭەسى جاس­تار تۇعىرناماسىنىڭ باس اس­سامبلەياسى 2019 جى­لى ازەر­بايجاندا ۇيىمداستىرىلادى دەپ شەشىم قابىلداندى. سونىمەن قاتار تۇركى كەڭەسى ەلدەرىنىڭ جاس­تار جانە سپورت مينيسترلەرىنىڭ ءتورتىنشى وتىرىسى 2019 جىلى قىرعىزستاندا وتەدى.

اقمارال اعزامقىزى،

«ەگەمەن قازاقستان»

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار