«بايقاۋدىڭ ماقساتى – اسكەري قىزمەتتىڭ مارتەبەسىن كوتەرۋ, وفيتسەرلەردى ىنتالاندىرۋ جانە ولاردىڭ كاسىبي شەبەرلىكتەرىن ءارى قاراي جەتىلدىرۋ, وزىق تاجىريبەلەردى تاراتۋ, باتالون, روتا بۋىنىنداعى وفيتسەرلەردەن كادرلىق رەزەرۆ قۇرۋ. بايقاۋعا كەلگەن بارلىق وفيتسەرلەر تەكسەرىلگەن پاندەر بويىنشا جوعارى دايىندىقتارىن كورسەتتى. جەڭىمپازدار الداعى ۋاقىتتا قىزمەت باسپالداعىمەن جوعارى لاۋازىمدارعا تاعايىندالۋعا ۇمىتكەرلەر قاتارىنا قوسىلدى», – دەيدى ۇلتتىق ۇلاننىڭ «وڭتۇستىك» وڭىرلىك قولباسشىلىعىنىڭ ءباسپاسوز حاتشىسى دانارا بايماعامبەتوۆا.
بايقاۋعا قاتىسقان وفيتسەرلەردىڭ قىزمەتتىك-جاۋىنگەرلىك جۇمىستى ۇيىمداستىرۋ, بولىنىستەردى باسقارۋ تالاپتارى, جالپى اسكەري جارعىلار, ءبولىنىس شارۋاشىلىعىن ۇيىمداستىرۋ بويىنشا بىلىمدەرى تەكسەرىلىپ جانە ولاردىڭ تابەلدىك قارۋدان اتۋ ماشىعى, كۇش پەن ەپتىلىكتى جانە توزىمدىلىكتى انىقتايتىن دەنە دايارلىعى سىناققا ءتۇستى.
بايقاۋ-سايىستىڭ قورىتىندىسى بويىنشا تومەندەگى وفيتسەرلەر ءوز لاۋازىمدارىنىڭ ۇزدىكتەرى اتاندى:
«ۇزدىك باتالون كومانديرى» نوميناتسياسى بويىنشا: 5571 اسكەري بولىمىنەن مايور ارتۋر ەگليت (الماتى قالاسى);
«ۇزدىك باتالون شتاب باستىعى» نوميناتسياسى بويىنشا: 28237 اسكەري بولىمىنەن كاپيتان تيمۋر كاليەكپەروۆ (الماتى وبلىسى, ۇزىناعاش كەنتى);
«ۇزدىك باتالون كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى» نوميناتسياسى بويىنشا: 5513 اسكەري بولىمىنەن كاپيتان مۇسا سادۋاقاسوۆ (تاراز قالاسى);
«ۇزدىك روتا كومانديرى» نوميناتسياسى بويىنشا: 5513 اسكەري بولىمىنەن كاپيتان جومارت جۇمادىلداەۆ (تاراز قالاسى);
«ۇزدىك روتا كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى» نوميناتسياسى بويىنشا: 28237 اسكەري بولىمىنەن اعا لەيتەنانت ەلجان سەكەنوۆ (الماتى وبلىسى, ۇزىناعاش كەنتى);
«ۇزدىك ۆزۆود كومانديرى» نوميناتسياسى بويىنشا: 5513 اسكەري بولىمىنەن اعا لەيتەنانت نۇرداۋلەت نۇرمانوۆ (الماتى قالاسى).
وڭىرلىك قولباسشىلىقتىڭ «قازاقستان رەسپۋبليكاسىنىڭ تۇڭعىش پرەزيدەنتى كۇنى» مەرەكەسىنە ورايلاستىرىپ وتكىزگەن سالتاناتتى جيىنىندا بايقاۋ جەڭىمپازدارى ماراپاتتالدى.
ارمان وكتيابر,
«ەگەمەن قازاقستان»
