قازاقستان رەسپۋبليكاسى ءبىلىم جانە عىلىم مينيسترىلىگى كۋبوگى جولىنداعى جارىستا ەلىمىزدىڭ 12 وبلىسىنان كەلگەن 24 كوماندا باق سىنادى. بارلىعى – 362 سپورتشى. سولاردىڭ اراسىنان استانانىڭ قوس كومانداسى سۋىرىلىپ شىعىپ, فينالدىق سايىستا باس جۇلدەنى ءوزارا ساراپقا سالدى. بۇل تارتىس «بارىس بارسى» كلۋبىنىڭ پايداسىنا شەشىلسە, «استانا 2010» ۇجىمى كۇمىس مەدالدى يەلەندى. ال كولا جۇلدە پەتروپاۆلدىڭ «قۇلاگەرىنە» بۇيىردى.
جارىس قورىتىندىسى بويىنشا جەڭىمپاز جانە جۇلدەگەر اتانعان كوماندالارمەن قاتار, جەكەلەگەن اتالمىمدار بويىنشا ۇزدىك دەپ تانىلعان ويىنشىلار دا ارنايى سىيلىقتارمەن ماراپاتتالدى. ولار:
«ۇزدىك قاقپاشى» – ارينا پاۆلوۆسكايا («وليمپ», اقتوبە)
«ۇزدىك قورعاۋشى» – ءانۋار مۇرات («راقىمجان», الماتى)
«ۇزدىك شابۋىلشى» – سۇحانبەردى راحماتۋللاەۆ («تۇران», شىمكەنت)
«ۇزدىك مەرگەن» – ايبار مارات («قايسار», قىزىلوردا)
«ۇزدىك شەبەر ويىنشى» – گلەب يۋگوۆ («قۇلاگەر», پەتروپاۆل)
«ەڭ جاس ويىنشى» - الەن گريتسەنكو («وليمپ», اقتوبە).
جارىستىڭ جابىلۋ سالتاناتىنا ءبىلىم جانە عىلىم ءمينيسترى ەرلان ساعاديەۆ, ايتۋلى مينيسترلىكتىڭ باقىلاۋ كوميتەتىنىڭ توراعاسى تالعات ەشەنقۇلوۆ, ۇلتتىق عىلىمي-پراكتيكالىق دەنە تاربيەسى ورتالىعىنىڭ ديرەكتورى سادىق مۇستافاەۆ, اۋەسقوي حوككەي ليگاسىنىڭ ۇيىمداستىرۋشىسى عالىم نۇرجانوۆ قاتىسىپ, بالعىن حوككەيشىلەر اراسىنداعى وسى تۋرنير ەندى ءار جىل سايىن ءداستۇرلى تۇردە ءوتىپ تۇراتىنان مالىمدەدى.
عالىم سۇلەيمەن,
«ەگەمەن قازاقستان»
