ش.ايمانوۆ اتىنداعى «قازاقفيلم» كينوستۋدياسى تۇسىرگەن بۇل كارتينا اكەسىن اقتىق ساپارعا شىعارىپ سالۋعا جولعا شىققان بوزبالا جايىندا باياندايدى. رەجيسسەردىڭ ايتۋىنشا, ءفيلمنىڭ ايتار ويى ادامنىڭ رۋحاني جان دۇنيەسىنىڭ ىشكى كۇرەس ارقىلى تازارۋىنا نەگىزدەلگەن.
«بۇل مەنىڭ جەتىنشى قىسقامەتراجدى ءفيلمىم. شىعارما مازمۇنىنا ءوز باسىمنان وتكەن وقيعالاردى ارقاۋ ەتتىم. وسىعان دەيىن تۇسىرگەن «ەركەك» ءفيلمىنىڭ يدەياسىمەن جەلىلەس. دەگەنمەن ونداعى كەي ايتىلماعان ويلاردى «اسان» فيلمىندە تولىق جەتكىزە العان ءتارىزدىمىن», دەيدى بەرىك جاحانوۆ.
ازەربايجان مادەنيەت مينيسترلىگى, جاس كينەماتوگرافيستەر كينو ورتالىعى ۇيىمداستىرعان فەستيۆالعا 45 مەملەكەتتەن 490 فيلم قاتىسۋعا ۇسىنىس بىلدىرگەن. قابىلداۋ كوميسسياسىنىڭ شەشىمىمەن 30 ەلدەن 100 كارتينا تاڭداپ الىنىپتى. كونكۋرسقا اياز سالاەۆ (ازەربايجان), گۋلبارا تولومۋشوۆا (قىرعىزستان), كامبۋزيا پارتوۆي (يران), توبياس بيۋحنەر (گەرمانيا) سىندى كينەماتوگرافيا سالاسىنداعى كىل مىقتىلار قازىلىق ەتتى.
«اسان» ءفيلمى 2017 جىلى «قازاقفيلم» ۇيىمداستىرعان ستسەناريلەر كونكۋرسىندا جەڭىمپاز اتانىپ, وندىرىسكە جىبەرىلگەن ەدى. ودان بولەك, لەنتا 71-ءشى حالىقارالىق كانن كينوفەستيۆالى اياسىندا كورسەتىلىپ, كوپشىلىك جىلى لەبىزىن بىلدىرگەن بولاتىن.
ايا ءومىرتاي,
«ەگەمەن قازاقستان»
