ءساتى تۇسپەي قانجىعاسى بوس قايتقان ءبىر اڭشى تۇنگە قاراي دالادا وت جاعىپ اس ازىرلەپ جاتقان ەكى اڭشىعا جولىعادى. ولاردىڭ ءبىرىنشىسى 3 ءشىل, ال ەكىنشىسى 5 ءشىل اتىپ العان ەكەن. ءۇش اڭشى بارلىق شىلدەردى ءپىسىرىپ تەڭدەي ءبولىپ تاماقتانادى. ەرتەڭىنە قوناق اڭشى جەگەن تاماعىنا اقشا بەرەيىن دەسە, انا ەكى اڭشى «قاجەتى جوق» دەپ قابىل الماعان سوڭ, ارىپتەستەرىنە ريزاشىلىعىن ءبىلدىرىپ سەگىز وق بەرىپ كەتەدى. ەكى اڭشى وقتاردى قالاي ءبولىسۋى كەرەك؟
ون ءبىرىنشى ەسەپ:
امانداسۋ جايى
ون جولداس كەزدەسكەندە
ۇلكەن تويدا,
امانداستى ءبىر-بىرىمەن
ساعىنىسىپ.
ايتىڭدارشى, قانشا رەت
بولدى سوندا,
سالەمدەسۋ ءبىر مارتەدەن
قول الىسىپ؟
ون ەكىنشى ەسەپ: شوپان اتا وسيەتى
قازاق حالقىندا ءتورت ت ۇلىك دەگەن ۇعىم بار. اڭىز بويىنشا ءار ت ۇلىكتىڭ «يەسى بار» دەپ ەسەپتەلەدى. ياكي, جىلقى يەسى – قامبار اتا, تۇيە يەسى – ويسىلقارا, سيىر يەسى – زەڭگى بابا, قوي-ەشكى يەسى شوپان اتا دەگەن سياقتى. وسىنداعى شوپان اتامىز: ۇساق مالدى قوراعا قاماعاندا قورانىڭ شارباعى قانشا قىسقا بولۋ ماڭىزدى ەمەس, قورانىڭ اۋدانى مۇمكىندىگىنشە ۇلكەن بولسىن, – دەپ وسيەت ەتىپتى. دەمەك, اتا وسيەتى بويىنشا قىسقا شارباقپەن ۇلكەن اۋماقتى قورشاۋ كەرەك. وسى وسيەتتى ىسكە اسىرماق بولعان ءبىر قويشى تىك جارعا جاستاپ, كەڭ قورا سوقپاقشى بولادى. ەگەر شارباقتى قورانىڭ ۇزىندىعى L بولسا, اتا وسيەتىن ورىنداۋ ءۇشىن شارباق ءپىشىنى قانداي بولۋى قاجەت دەپ ويلايسىز؟
« ۇلى دالانىڭ بايىرعى 100 كونە ەسەبى» كىتابىنان دايىنداعان بەكەن قايرات ۇلى,
«ەگەمەن قازاقستان»
