داۋىس بەرۋ كۇنىنە دەيىن قازاقستاندىقتار قۇجاتتىڭ مازمۇنىمەن جان-جاقتى تانىسا الادى. كونستيتۋتسيا جوباسىنىڭ تولىق ءماتىنى قازاقستان رەسپۋبليكاسى كونستيتۋتسيالىق سوتىنىڭ رەسمي سايتىندا جاريالانعان. وندا كەز كەلگەن ادام ۇسىنىلىپ وتىرعان وزگەرىستەر مەن تۇزەتۋلەردى وقي الادى.
جوبانى جاريالاۋداعى باستى ماقسات – الداعى رەفەرەندۋمنىڭ اشىقتىعى مەن ايقىندىعىن قامتاماسىز ەتۋ, سونداي-اق ازاماتتارعا اتا زاڭنىڭ بارلىق باپتارىن مۇقيات زەردەلەۋگە مۇمكىندىك بەرۋ.
ەسكە سالايىق, رەسپۋبليكالىق رەفەرەندۋم – حالىقتىڭ تىكەلەي ەرىك ءبىلدىرۋ نىساندارىنىڭ ءبىرى. ونىڭ ناتيجەسى كونستيتۋتسيالىق وزگەرىستەردىڭ ودان ءارى باعىتىن ايقىنداپ, ەلدىڭ ساياسي جانە قۇقىقتىق جۇيەسىنىڭ دامۋىنا اسەر ەتۋى مۇمكىن.
كونستيتۋتسيا – مەملەكەت پەن ادام اراسىنداعى قوعامدىق كەلىسىمشارت
ساراپشىلاردىڭ ايتۋىنشا, قۇجات ماتىنىمەن الدىن الا تانىسۋ ازاماتتارعا داۋىس بەرۋ كەزىندە سانالى شەشىم قابىلداۋعا جانە ۇسىنىلىپ وتىرعان رەفورمالارعا قاتىستى ءوز پىكىرىن قالىپتاستىرۋعا كومەكتەسەدى.
قازاقستاندا جاڭا كونستيتۋتسيانى قولداۋعا ارنالعان اۋقىمدى اقپاراتتىق ناۋقاننىڭ جاڭا تولقىنى باستالدى
