فوتو: Abbas Zakeri / Reuters
ۆاشينگتون باستاۋىش مەكتەپكە جاسالعان سوققى سالدارىنان 171 وقۋشى قىزدىڭ قازا تاپقانىنا ءيزرايلدىڭ قاتىسى جوق ەكەنىن ايتتى.
Reuters اگەنتتىگىنىڭ مالىمەتىنشە, اقش اسكەرىنىڭ تەرگەۋشىلەرى يرانداعى مەكتەپكە جاسالعان سوققىنى امەريكالىق اسكەري كۇشتەر جۇزەگە اسىرعان دەگەن قورىتىندىعا كەلگەن. اگەنتتىك اتاپ وتكەندەي, ازىرگە قورىتىندى نۇسقا جاسالعان جوق, تەرگەۋ رەسمي تۇردە اياقتالماعان.
اقش قارۋلى كۇشتەرىنىڭ ورتالىق قولباسشىلىعىنىڭ وكىلى بۇل وقيعا بويىنشا تەرگەۋ جالعاسىپ جاتقاندىقتان, «جاعدايعا قاتىستى پىكىر ءبىلدىرۋ ورىنسىز بولاتىنىن» مالىمدەدى.
ايتا كەتەيىك, يراننىڭ ميناب قالاسىنداعى قىزدارعا ارنالعان باستاۋىش مەكتەپكە سوققى 28 اقپاندا, اقش پەن ءيزرايلدىڭ يرانعا قارسى بىرلەسكەن اسكەري وپەراتسياسىنىڭ العاشقى كۇنى جاسالعان. ەلدىڭ ءبىلىم مينيسترلىگىنىڭ مالىمەتىنشە, كەمىندە 175 مۇعالىم مەن وقۋشى قىز قازا تاپقان.
پەنتاگون باسشىسى پيت حەگسەت امەريكالىق اسكەري كۇشتەر ەشقاشان ازاماتتىق نىساندارعا شابۋىل جاسامايتىنىن اتاپ ءوتىپ, مەكتەپكە جاسالعان سوققى جان-جاقتى تەرگەلىپ جاتقانىن ايتتى.
يراننىڭ Fars اگەنتتىگىنىڭ حابارلاۋىنشا, تەگەران كىنالىلەردى انىقتاپ, جاۋاپ شارالارىن دايىنداپ جاتىر.
