جاسوتاندىقتار بالالارعا ويىنشىقتار مەن تاتتىلەر سىيلاپ, ورتالىقتىڭ كىشكەنتاي تۇرعىندارىنىڭ كوڭىل-كۇيىن كوتەردى.
مەكەمەدە بتسپ (دتسپ), ەپيلەپسيا, فيزيكالىق, پسيحيكالىق دامۋ بوگەلىسى دياگنوزدارىمەن 3 جاستان 29 جاسقا دەيىنگى 277 مۇگەدەك-بالا قارالادى. ال كۇندىزگى بولىمدە 156 بالا بار. بالالار دامۋ دەڭگەيىنە بايلانىستى قوزعالمالى ەم, الەۋمەتتىك بەيىمدەۋ, الەۋمەتتىك-تۇرمىستىق باعىت-باعدار بەرۋ, الەۋمەتتىك ەڭبەككە ۇيرەتۋ سەكىلدى ساباقتارعا قاتىسادى.
1992 جىلدىڭ اياعىندا بۇۇ باس اسسامبلەياسى 3-ءشى جەلتوقساندى مۇگەدەكتەر كۇنى دەپ جاريالادى. كەز كەلگەن مەملەكەتتىڭ قۇندىلىعى مەن ىزگىلىگى بالالار مەن قارتتارعا, مۇگەدەكتەرگە دەگەن قارىم-قاتىناسىمەن ايقىندالادى. مۇمكىندىگى شەكتەۋلى جانداردىڭ حالىقارالىق كۇنى - وسى ءبىر تۋمىسىنان ءومىردىڭ ازابىن تارتقان جاندارعا تاعى ءبىر كوز قىرىمىزدى سالىپ, جانىنا جەلەۋ بولۋعا مۇمكىندىك جاسايدى.
