«قازتسينك» كومپانياسى 2012 جىلى قازاقستاندىق مازمۇندى دامىتۋ كەڭسەسىن اشىپتى. بۇگىندە قازاقستاندىق 71 كاسىپورىن ءوندىرىس ورنىمەن سەرىكتەس ەكەن. «كومپانيا ءوزىنىڭ قۇرىلعان ۋاقىتىنان بەرى تاۋاردىڭ ساپاسى مەن باعاسى, جەتكىزىلۋى شەت ەلدىك كومپانيالاردان كەم تۇسپەسە اركەز باسىمدىقتى وتاندىق كاسىپورىندارعا بەرەدى. ءبىزدىڭ جالپى ساتىلىمدا وتاندىق ءوندىرىستىڭ تاۋارلارى مەن قىزمەتتەرى 62 پروتسەنتتى قۇرايدى. ءبىر سوزبەن ايتقاندا, ءبىز جىل سايىن 180 ميلليارد تەڭگەگە قازاقستاندىق كاسىپورىنداردىڭ تاۋارلار مەن قىزمەتتەرىن ساتىپ الامىز. بۇل پرەزيدەنتتىڭ قازاقستاندىق ءونىمدى قولداۋ باستاماسىمەن دە ۇندەسەدى. وسى تاراپتا ءبىز شىعىس قازاقستان وبلىسى اكىمدىگىمەن, «اتامەكەن» ۇلتتىق كاسىپكەرلەر پالاتاسىمەن, «دامۋ» قورىمەن جانە NADLoG اگەنتتىگىمەن بىرلەسە جۇمىس ىستەيمىز», - دەيدى «قازتسينك» جشس-ءنىڭ دامۋ جانە كوممەرتسيالىق ساراپتاما قىزمەتىنىڭ باستىعى تاتيانا يۆانوۆا.
ازامات قاسىم,
«ەگەمەن قازاقستان»
وسكەمەن
