1991 جىلدىڭ 24 مامىرىندا تۋعان ۆيكتور سۆەدبەرگ الەمدەگى ەڭ بويشاڭ حوككەيشىلەردىڭ قاتارىندا. ونىڭ بويى – 203 سانتيمەتر. سپورتتىق كارەراسىن ءوز ەلىندە باستاعان قورعاۋشى بىرقاتار بەلدى كوماندالاردىڭ قاتارىندا ونەر كورسەتتى. 2013 جىلى امەريكا حوككەي ليگاسىنداعى (احل) «روكفورد ايسحوگستىڭ» جەيدەسىن كيگەن سكانديناۆيا تۇبەگىنىڭ تۇلەگى ۇلتتىق حوككەي ليگاسىنداعى (ۇحل)«چيكاگو بلەكحوكستىڭ»ساپىنا اۋىستى. 2015-2016 جىلعى ماۋسىمدا ايتۋلى كوماندانىڭ قۇرامىندا 27 رەت مۇز ايدىنىنا شىققان سۆەدبەرگ ەكى گول سوعىپ, ەكى رەت ناتيجەلى پاس بەردى. ودان كەيىن ول قايتا احل-دا وينادى. كەيىننەن شۆەتسياعا ورالىپ, «لينچەپينگ»كلۋبىنىڭ نامىسىن قورعادى.
ەسكە سالا كەتەيىك, قازىرگى كەزدە «بارىس» قحل-دىڭ تۇراقتى بىرىنشىلىگىندە توعىزىنشى ورىندا كەلەدى. 32 كەزدەسۋ وتكىزگەن جەرلەستەرىمىز 44 ۇپايدى ەنشىلەدى. ال وسىنداي تاجىريبەسى زور حوككەيشى قاتارعا قوسىلسا, استانالىق كلۋبتىڭ قورعانىس شەبىندەگى ءبىراز ولقىلىقتىڭ ورنىن تولادى دەگەن ۇمىتتەمىز.
عالىم سۇلەيمەن,
«ەگەمەن قازاقستان»
