ءوز سوزىندە قازاقستاننىڭ يسپانياداعى ەلشىسى كونستانتين جيگالوۆ شەتەلدە قازاق ادەبيەتى ورتالىقتارىن اشۋ جوباسى قوعامدىق سانانى ترانسفورماتسيالاۋ بويىنشا «رۋحاني جاڭعىرۋ» مەملەكەتتىك باعدارلاماسىنىڭ اياسىندا جۇزەگە اسىرىلىپ جاتقاندىعىن اتاپ ءوتتى. سونداي-اق, ەلشى قازاقستان پرەزيدەنتى نۇرسۇلتان نازارباەۆتىڭ « ۇلى دالانىڭ جەتى قىرى» اتتى جۋىرداعى باعدارلامالىق ماقالاسى «رۋحاني جاڭعىرۋ» باستاماسىنىڭ جالعاسى ەكەندىگىن جانە قازاقستاننىڭ تاريحي جانە مادەني مۇراسىن وزەكتەندىرۋگە ىقپال ەتەتىنىنە نازار اۋداردى.
ءىس-شاراعا قر ۇلتتىق اكادەميالىق كىتاپحاناسىنىڭ باس ديرەكتورى ۋ. مۇنالباەۆا, AECID مادەني جانە عىلىمي بايلانىستار جونىندەگى ديرەكتورى م. البەرو, AECID كىتاپحاناسىنىڭ ديرەكتورى م.ا. گارسيا مارتين, اگەنتتىكتىڭ قىزمەتكەرلەرى, يسپانيانىڭ جوعارى وقۋ ورىندارىنىڭ وكىلدەرى, يسپان تىلىندەگى كازاق پوەزيا مەن پروزاسى «انتولوگيا» جوباسىنىڭ قاتىسۋشىلارى, سونداي-اق قازاق دياسپوراسىنىڭ وكىلدەرى قاتىستى.
سالتاناتتى ءراسىمنىڭ قورىتىندىلارى بويىنشا, قازاقستان رەسپۋبليكاسىنىڭ ۇلتتىق اكادەميالىق كىتاپحاناسى مەن دامۋ جونىندەگى حالىقارالىق ىنتىماقتاستىق بويىنشا يسپان اگەنتتىگىنىڭ (AECID) كىتاپحاناسى اراسىندا ارەكەتتەردىڭ جالپى حاتتاماسىنا قول قويىلدى.
