–تۇڭعىش پرەزيدەنت كۇنىندە ارماندارىڭىزدىڭ ورىندالىپ جاتقانى – جاقسىلىقتىڭ نىشانى. شاڭىراقتارىڭىزدا جىلىلىق, جايلىلىق ورناپ, ۇيلەرىڭىزگە جاڭا باقىت قونادى دەپ ويلايمىن .ءبىز پرەزيدەنتىمىزدىڭ «نۇرلىجەر» جانە «7-20-25» باستامالارىنىڭ ارقاسىندا وبلىستا جانە جالپى رەسپۋبليكادا تۇرعىن ءۇي قۇرىلىسىن بەلسەندى تۇردە جۇرگىزىپ جاتىرمىز. جانە جىل سايىن بۇل كولەمدى ارتتىرا بەرەمىز,–دەدى ەرلان قوشانوۆ.
پايدالانۋعا بەرىلگەن جاڭا ۇيدە 130 پاتەر بار. اي سايىن تولەنەتىن وتەماقى قۇنى باسپانانىڭ كولەمىنە بايلانىستى: ءبىر شارشى مەترى – 736 تەڭگە. نەسيە تولىق جابىلعان سوڭ, تۇرعىندار پاتەردىڭ مەنشىك يەسى اتانا الادى.
جاڭادان قونىستانۋشىلاردىڭ ايتۋىنشا, بۇل باعدارلاما قانداي دا ءبىر سەبەپتەرمەن يپوتەكالىق نەسيە الا المايتىندار ءۇشىن باسپانالى بولۋعا تاماشا مۇمكىندىك بەرەدى.
تۇڭعىش پرەزيدەنت كۇنىندە بالقاش قالاسىنىڭ, اباي جانە وساكاروۆ اۋداندارىنىڭ تۇرعىندارى دا «نۇرلى جەر» پرەزيدەنتتىك باعدارلاماسىنىڭ ارقاسىندا باسپانالى بولدى.
سونىمەن قاتار, مەرەكە كۇنى تەك پاتەر كىلتتەرى عانا تابىس ەتىلمەي, بىرقاتار الەۋمەتتىك نىساندار دا سالتاناتتى تۇردە اشىلدى.
قايرات ءابىلدا,
«ەگەمەن قازاقستان»
قاراعاندى وبلىسى
