"نۇرلى جەر" باعدارلاماسىن جۇزەگە اسىرۋ اياسىندا جالپى كولەمى 13 888 شارمى مەتر قۇرايتىن 4 قاباتتى 7 تۇرعىن ءۇي تاپسىرىلدى. بۇل جاڭا پاتەرلەر كەزەكتە تۇرعان مەملەكەتتىك قىزمەتكەرلەرگە, بيۋدجەتتىك ۇيىمداردىڭ جۇمىسشىلارىنا جانە ارنايى ساناتتاعى ادامدارعا بەرىلدى.
جىل سوڭىنا دەيىن باتىر اۋىلىندا 4 پاتەرلىك 1 قاباتتى 20 تۇرعىن ءۇي قولدانىسقا بەرىلەدى دەپ كۇتىلۋدە.
سونداي-اق, بوزجىرا اۋىلىندا 140 بالاعا ارنالعان "جانىماي" بالا باقشاسىنىڭ سالتاناتتى اشىلۋ ءراسىمى ءوتتى. بۇگىنگى تاڭدا مۇنايلى اۋدانى بويىنشا بارلىعى 58 بالاباقشا (15 مەملەكەتتىك, 43 جەكە مەنشىك) بار. جىل باسىنان بەرى 614 ورىندىق قۇرايتىن 9 جەكە مەنشىك بالا باقشا ەسىگىن ايقارا اشىپ, جىل سوڭىنا دەيىن 497 ورىندىق 7 جەكە مەنشىك بالاباقشا ىسكە قوسىلماق. قازىرگى تاڭدا تىزىمدە 3-6 جاس ارالىعىنداعى بۇلدىرشىندەردىڭ سانى 330. جىل سوڭىنا دەيىن 97,3% بالالار بالاباقشاعا ورنالاستىرىلادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
