وبلىس اكىمدىگىندە وتكەن رەسمي جيىندا ايماق باسشىسى اماندىق باتالوۆ ءوڭىر تۇرعىندارىن 1 جەلتوقسان – تۇڭعىش پرەزيتەنت كۇنى مەرەكەسىمەن قۇتتىقتاپ, ەڭبەگىمەن ەلەنگەن ءبىر توپ ادامعا وبىلس اكىمىنىڭ العىس حاتى مەن «استانانىڭ 20 جىلدىعى» مەدالىن تاپسىرىپ, ماراپاتتادى.
- بارشاڭىزدى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتايمىن! وسى مەرەكە – حالقىمىزدىڭ ەلباسىنا دەگەن ەرەكشە ىقىلاسىنىڭ, شەكسىز ريزاشىلىعىنىڭ, زور قۇرمەتىنىڭ ايعاعى. بۇل – ەلىمىز ءۇشىن تاريحي كۇن! ءوز تاعدىرىن ەلىنىڭ تاعدىرىمەن بايلانىستىرعان, حالقىنىڭ باعىنا تۋعان ۇلى پەرزەنت – تۇڭعىش پرەزيدەنتىمىزدىڭ ەسىمىنىڭ ەل تاريحىندا التىن ارىپتەرمەن جازىلاتىنى انىق, - دەدى ءوز سوزىندە وبلىس اكىمى اماندىق باتالوۆ.
وسى كۇنى تالدىقورعان قالاسىندا 300 ورىندىق مۋزىكا مەكتەبى پايدالانۋعا بەرىلدى. ءوڭىردىڭ دارىندى بالالارىنىڭ باسىن قوسىپ, كاسىبي ءبىلىم بەرەتىن مۋزىكا مەكتەبى زاماناۋي ۇلگىدە سالىنعان, ءبىلىم الۋعا تولىق جاعداي جاسالعان ونەر ورداسىنا اينالاتىن بولادى. اقىن سارا اتىن يەلەنگەن مەكتەپتە كىتاپحانا, فورتەپيانو, سولفەدجيو, مۋزىكاللىق ادەبيەت, ۆوكالا, حورەوگرافيا, سكريپكا ءانسامبلى مەن وركەستر سىنىبى جاساقتالعان.
سونداي-اق, وسى كۇنى تالدىقورعاندا ارداگەرلەر اراسىندا ۆولەيبولدان حالىقارالىق «جەتىسۋ كۋبوگى» ءتۋرنيىر جالاۋىن كوتەردى. ءداستۇرلى جارىسقا قاتىسقان باۋىرلاس ەلدەردىڭ كوماندالارى تاباندى ويىن مانەرى مەن جەڭىسكە دەگەن جىگەردى جانىعان جولداستىق كەزدەسۋ ۇلگىسىن كورسەتتى.
ال ءدال 1 جەلتوقسان كۇنى جاركەنت قلاسىندا وربۇلاق شايقاسىنىڭ 375 جىلدىعىنا وراي « ۇلى جەبە» مەموريالدى كەشەنى اشىلدى. سالتاناتتى شاراعا وبلىس اكىمى اماندىق باتالوۆ, پارلامەنت ءماجىلىسىنىڭ دەپۋتاتى, قوعام قايراتكەرى قۋانىش سۇلتانوۆ, تاريحشى عالىمدار, قالامگەرلەر, اۋدان جۇرتشىلىعى قاتىستى.
- وربۇلاق شايقاسى – قازاق حالقىنىڭ ازاتتىق جولىنداعى تاريحي وقيعالارىنىڭ ءبىرى. ەلباسىمىز نۇرسۇلتان ءابىش ۇلى نازارباەۆ: «وربۇلاق پەن اڭىراقايداعى تاريحي ماڭىزدى جەڭىستەر ازاتتىقتىڭ اق تۋى استىندا جەلبىرەدى», - دەپ, تاريح تولقىنىنداعى ەرلىككە تولى ۇلى وقيعالاردى دارىپتەۋگە ەرەكشە ءمان بەرگەن بولاتىن. مەملەكەت باسشىسىنىڭ جاقىندا جارىق كورگەن « ۇلى دالانىڭ جەتى قىرى» اتتى ماقالاسى دا ءبىزدىڭ ۇلتتىق تاريحىمىزعا تەرەڭ ۇڭىلۋگە, حالقىمىزدىڭ وتكەنىنە, بۇگىنى مەن بولاشاعىنا زور قۇرمەتپەن قاراۋعا ۇندەيدى. وربۇلاق تاريحى – سول ۇلى دالا تاريحىنىڭ ءبىر پاراعى, - دەپ اتاپ ءوتتى جيىندا اماندىق باتالوۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى
