«پوليتسەيلەردىڭ كاسىبي بىلىكتىلىگىڭ ەڭ جوعارى بەلگىسى – ەكسترەمالدىق, قىسىلتاياڭ جاعدايدا دۇرىس ارەكەت ەتە بىلۋىمەن ولشەنەدى. ول ءۇشىن پوليتسەيلەرگە جاۋىنگەرلىك قارۋدى قولدانۋ داعدىسىن, اتۋدى, كۇرەستىڭ تۇرلەرىن قولدانا ءبىلۋدى قامتيتىن دايىندىق ساباقتارى ءجيى ءوتىپ تۇرادى. وبلىستا اشىلىپ وتىرعان ونىنشى نىسانا كوزدەۋ ءتيرى وڭىردەگى پولليتسەيلەر قىزمەتىن جەتىلدىرۋگە جاسالعان قادامنىڭ ءبىرى» دەدى مەرەكە ناعاشىباي ۇلى.
زاماناۋي تيردە اتىستىڭ كوزدەۋ جانە تاكتيكالىق ادىستەرىن ۇيرەنۋگە بارلىق جاعداي بار. تيردەگى دايىندىقتار پوليتسەيلەردىڭ قىزمەت بارىسىندا كەزدەسۋى ىقتيمال توتەنشە جاعدايلارعا ۇقساتىلىپ وتكىزىلەدى. وندا شۋدى باساتىن, وق تيگىزبەيتىن, جابۋ مپەن وققاعارلار ورناتىلعان. مۇنىڭ بارلىعى اتىس قاۋىپسىزدىگىن قامتاماسىز ەتەدى. نىسانا كوزدەۋ تيرىندە جاۋىنگەرلىك جانە قىزمەتتىك دايىندىقتار بويىنشا جانە پوليتسەيلەردى اتىستىڭ تەوريالىق ماشىعىن ۇيرەتۋگە ارنالعان كلاستار جابدىقتالعان.
جاڭا ءتيردىڭ ارتىقشىلىقتارىن بايقاۋ ءۇشىن وبلىستىق پوليتسيا دەپارتامەنتى باستىعىنىڭ ورىنباسارى مەرەكە الشاعىروۆ نىسانا كوزدەۋدەن بولعان جارىسقا قاتىستى. پوليتسيا پولكوۆنيگى جارىسقا قاتىسۋشىلار اراسىندا ۇزدىك ناتيجە كورسەتۋشىلەردىڭ ءبىرى بولدى.
ءنازيرا جارىمبەت,
«ەگەمەن قازاقستان»
قوستاناي
