«ارينە, قيىنشىلىقتار بولدى, ونىڭ بارلىعى دا ەندى ارتتا قالدى. ەندى ءبىزدىڭ زاۋىت تەك وبلىسىمىزدا عانا ەمەس, كورشى وڭىرلەردەگى قۇرىلىس ماسەلەلەرىنىڭ شەشىمىن تابۋىنا ۇلەس قوساتىن بولادى. ەلباسىنىڭ تاپسىرماسىمەن ەلىمىزدە «نۇرلى جەر», «7-20-25» باعدارلامالارى جۇزەگە اسىپ جاتىر. دەمەك بارلىق قالالاردا تۇرعىن ءۇي قۇرىلىستارى جەدەل ءجۇرىپ جاتىر. قوستاناي وبلىسىندا عانا بيىلدىڭ وزىندە 300 مىڭ شارشى مەتر تۇرعىن ءۇي تاپسىرىلادى. ماعان بەرىلگەن مالىمەت بويىنشا, زاۋىت وندىرەتىن 700 مىڭ توننا تسەمەنتكە قازىردىڭ وزىندە تاپسىرىس بەرىلىپ قويعان. ونىڭ جارتىسى ەكسپورتقا كەتەدى» دەدى ارحيمەد بەگەجان ۇلى.
زاۋىت جىل اياعىنا دەيىن 17 مىڭ توننا تىرناقالدى ءونىمىن وندىرەدى. قازىر مۇندا 162 ادام جۇمىسقا ورنالاستى. تولىق قۋاتىنا جەتكەندە مۇندا 307 ادام جۇمىس ىستەيتىن بولادى. ءوندىرىستىڭ ينفراقۇرىلىمىنا بيۋدجەتتەن 739,6 ميلليون تەڭگە جۇمسالدى. زاۋىتقا كەلەتىن تەمىرجول تۇيىعى دا جىل اياعىنا دەيىن ءبىتۋى ءتيىس.
ءنازيرا جارىمبەت,
«ەگەمەن قازاقستان»
قوستاناي
