بۇل كۇندەرى ەلىمىزدىڭ ەنەرگەتيكا مينيسترلىگىنە قاراستى تسيفرلاندىرۋ دەپارتامەنتىمەن بىرلەسىپ, بىرىڭعاي مالىمەتتەر بازاسىن دايىندالىپ, سىناقتان وتكىزىلگەن.
مىسالى, ەلىمىزدە, وڭىردەگى ءوندىرىس ورىندارى مەن كاسىپورىنداردان قورشاعان ورتا, اۋاعا تاراتاتىن زياندى زاتتارىنىڭ بەلگىلەنگەن نورمادان اسپاۋى تالاپ ەتىلەدى. كاسىپورىنداردىڭ ەكولوگيالىق كورسەتكىشتەرى بىرىڭعاي مەملەكەتتىك جۇيەگە بەرىلدى.
ال, ەكولوگيالىق كورسەتكىشتەردى باقىلايتىن قۇرىلعىنى «پروماناليت» جشس جاساپ شىعارعان تالدامالىق شكافتار ارقىلى انىقتاۋعا بولادى. كومپانيا وكىلدەرىنىڭ ايتۋىنشا, ەكولوگيالىق كورسەتكىشتەردى باقىلايتىن بۇل قۇرىلعىلار استاناداعى جانە «پاۆلودارەنەرگو» اق, «قازاقستان ءاليۋمينيى» اق-قا قاراستى جىلۋ-ەلەكتر ورتالىقتارىندا ورناتىلعان. سەرىكتەستىكتە جاسالاتىن قۇرىلعىنىڭ قۇنى 15 ميلليون تەڭگە كولەمىندە جانە جوعارى. قاجەتتى بولشەكتەر شەتتەن ساتىپ الىنادى دا, جەرگىلىكتى ينجەنەرلەر كومەگىمەن قۇراستىرىلادى.
بىلتىر «پروماناليت» جشس-ءى «SIEMENS AG» حالىقارالىق كومپانياسىنىڭ Solution سەرىكتەسى دەگەن مارتەبە الدى. ەندى ەكولوگيالىق باقىلاۋ پۋنكتتەرىن اشۋ جوسپارلاۋدا. كومپانيادا 35 ادام ەڭبەك ەتۋدە.
الداعى ۋاقىتتا كاسىپورىن «پاۆلودار» ارنايى ەكونوميكالىق ايماعىنان ورىن الىپ, مەملەكەتتىك قولداۋ ارقىلى جوبالارىن جۇزەگە اسىرماقشى.
فاريدا بىقاي
«ەگەمەن قازاقستان»
پاۆلودار
