قاراعاندى وبلىسى اكىمىنىڭ ورىنباسارى تاعايىندالدى

كادرلىق وزگەرىستەر جايلى وبلىس اكىمى ەرلان قوشانوۆ اكتيۆ وتىرىسىندا مالىمدەدى.

– قر پرەزيدەنتى اكىمشىلىگىنىڭ كەلىسىمىمەن جانە مەنىڭ وكىمىممەن ەرماعانبەت قابدوللا ۇلى بولەكپاەۆ وبلىس اكىمىنىڭ ورىنباسارى بولىپ تاعايىندالدى, – دەپ مالىمدەدى ايماق باسشىسى.

ەرماعانبەت بولەكپاەۆ 1975 جىلدىڭ 2 قىركۇيەگىندە قاراعاندى وبلىسىنداعى شەت اۋدانىنىڭ وسپەن اۋىلىندا دۇنيەگە كەلگەن. «قارجى جانە نەسيە» جانە «قۇقىقتانۋ» ماماندىقتارى بويىنشا ەكى جوعارى ءبىلىمى بار. 1996 جىلى ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن, 2003 جىلى ا.ن.گۋميلەۆ اتىنداعى ەۋرازيا ۋنيۆەرسيتەتىن تامامداعان.

مەملەكەتتىك قىزمەتتە 1998 جىلدان بەرى جۇمىس ىستەپ كەلەدى. ورتالىق مەملەكەتتىك ورگانداردا ەڭبەك ەتۋ تاجىريبەسى بار. قر يندۋستريا جانە ساۋدا مينيسترلىگىندە ءتۇرلى لاۋازىمداردا قىزمەت ەتكەن. قر پارلامەنت سەناتى دەپۋتاتىنىڭ كومەكشىسى بولدى. 2003-2009 جىلدار ارالىعىندا پاۆلودار وبلىسىندا وبلىس اكىمى اپپاراتى جەتەكشىسىنىڭ ورىنباسارى, پاۆلودار قالاسى اكىمى اپپاراتىنىڭ جەتەكشىسىقىزمەتتەرىن اتقارعان. پاۆلودار اۋدانىنىڭ اكىمى, وبلىستىق كاسىپكەرلىك جانە ونەركاسىپ باسقارماسىنىڭ باسشىسى بولدى. 2009 جىلدان 2013 جىلعا دەيىن قر مەملەكەتتىك قىزمەت ىستەرى جونىندەگى اگەنتتىكتىڭ قاراعاندى جانە وڭتۇستىك قازاقستان وبلىستارىنداعى, سونداي-اق استاناداعى باسقارمالارىنا جەتەكشىلىك ەتكەن.2013 جىلدىڭ ماۋسىمىنان باستاپ 2018 جىلدىڭ اقپانىنا دەيىن استانانىڭ سارىارقا, الماتى جانە ەسىل اۋداندارىنىڭ اكىمى بولدى. 2018 جىلدىڭ اقپانىنان باستاپ وسى كۇنگە دەيىن قر پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتىن اتقارعان.

«ەرەڭ ەڭبەگى ءۇشىن» مەدالىمەن ماراپاتتالعان.

قايرات ءابىلدا,

«ەگەمەن قازاقستان»

قاراعاندى