«بۇل الەمدەگى وركەنيەتتىڭ ونەگەسىن ۇستانعان ءبىلىم وشاقتارىنىڭ بەرەكەلى بەلەسى. نازارباەۆ ۋنيۆەرسيتەتى قۇرىلعاننان كەيىن بۇل ۋنيۆەرسيتەتكە تۇسەتىن ستۋدەنتتەر قاجەت بولدى. الايدا بۇل ۋنيۆەرسيتەتكە ءتۇسۋدىڭ تالابى مەن سۇرانىسى وتە جوعارى بولدى. سوندىقتان مەن قازاقستاننىڭ ءار تۇكپىرىندە وسىنداي زياتكەرلىك مەكتەپتەر اشۋدى قولعا الدىم. مىنە, بۇگىن سول زياتكەرلىك مەكتەپتەردىڭ 10 جىلدىعىن اتاپ وتىرمىز. بۇگىندە زياتكەرلىك مەكتەپتەر ەلىمىزدەگى ورتا ءبىلىم بەرۋدىڭ ەڭ جوعارعى ەتالونىنا اينالدى. قازىرگى كەزدە قازاقستاندىق وزگە مەكتەپتەر وسى زياتكەرلىك مەكتەپتەرگە قاراپ بوي تۇزەيدى», دەدى ەلباسى سالتاناتتى شارانىڭ اشىلۋىندا.
سونداي-اق مەملەكەت باسشىسى جاس ۇرپاقتىڭ زامان تالابىنا ساي بولۋى ونىڭ بازالىق بىلىمىنە تىكەلەي بايلانىستى ەكەنىن اتاپ ءوتتى. جيىندا بەلگىلى بولعانداي, قازاقستاننىڭ بارلىق وڭىرىندە اشىلعان 20 زياتكەرلىك مەكتەپتە بۇگىنگە دەيىن 8000 تۇلەك ءبىتىرىپ شىققان.
«زياتكەرلىك مەكتەپتەردەگى ءبىلىم ساپاسىن شەتەلدىك مۇعالىمدەر مەن پروفەسسورلار ماقۇلداپ وتىر. بۇل وقىتۋ جۇيەسى سينگاپۋر مەن ۇلىبريتانيا سىندى ەلدەردىڭ ۇزدىك ستاندارتتارىمەن تەڭ كەلەدى. الەمنىڭ بەدەلدى ۋنيۆەرسيتەتتەرى ءبىزدىڭ تۇلەكتەرىمىزدى تاڭداۋى سونىڭ ايقىن دالەلى», دەدى ن.نازارباەۆ.
فورۋم بارىسىندا «ساندىق قازاقستانعا قوسقان ۇلەسىمىز» دەگەن تاقىرىپتا ارنايى ستەند ۇيىمداستىرىلادى. وندا جاڭا تالاپقا بەيىمدەلىپ جاسالعان وقۋلىقتار, ەل مۇعالىمدەرىنە ارنالعان جۇيەلى جانە ادىستەمەلىك كەشەن, ۆيرتۋالدى عىلىمي زەرتحانالار, زياتكەرلىك مەكتەپتەردىڭ وقۋشىلارى ازىرلەگەن «Kazakh – Latin Converter», «Physics Helper» ءموبيلدى قوسىمشالارى قويىلىپ, كوپشىلىكتىڭ نازارىنا ۇسىنىلادى.
سونداي-اق حالىقارالىق ىنتىماقتاستىققا ارنالعان ستەند ورنالاستىرىلىپ, وعان زياتكەرلىك مەكتەپتەردىڭ ستراتەگيالىق سەرىكتەستىكتەرىنىڭ وكىلدەرى قاتىسادى. ولاردىڭ قاتارىندا CIS حالىقارالىق مەكتەپتەر كەڭەسى, كەمبريدج ۋنيۆەرسيتەتى, Cito پەداگوگيكالىق ولشەۋلەر ورتالىعى, حالىقارالىق باكالاۆريات جۇيەسى جانە تاعى باسقالارى بار.
ءىس-شارا بارىسىندا «نازارباەۆ زياتكەرلىك مەكتەپتەرى» وقۋشىلارىنىڭ حالىقارالىق بايقاۋلاردا جۇلدەلى ورىندارعا يە بولعان عىلىمي جوبالار كورمەسى وتەدى. بۇدان ءارى زياتكەرلىك مەكتەپتەردىڭ وقۋشىلارى « ۇلى دالا مۇراگەرلەرى» اتتى تەاترلىندارىلعان قويىلىم قويىپ, وندا الەۋمەتتىك جوبالاردىڭ قورىتىندىلارى مەن تاجىريبەلەرى تۋرالى وقيعالار جەلىسىن باياندايدى. ناقتىراق ايتقاندا, ەلىمىزدىڭ تاريحى مەن مادەنيەتىن زەرتتەۋگە باعىتتالعان – «تۋعان ەلگە تاعزىم», ء«جۇز كۇيدىڭ تاريحى», «ەكى اپتا اۋىلدا», «قازاقتىڭ 100 ءانى», «100 كىتاپ» جانە باسقا دا جوبالاردى قامتيدى.
فورۋمعا 1000-نان استام ادام قاتىسادى. ولاردىن قاتارىندا جوعارى قامقورشىلىق كەڭەستىڭ مۇشەلەرى, قوعام قايراتكەرلەرى, ەلشىلەر, شەتەلدىك سەرىكتەستەر, حالىقارالىق ۇيىمداردىڭ وكىلدەرى, بيزنەسمەندەر, جۋرناليستەر, سپورتشىلار, مۇعالىمدەر, زياتكەرلىك مەكتەپتەردىڭ وقۋشىلارى مەن تۇلەكتەرى بار.
