بۇل جونىندە جاقىندا قازاقستان رەسپۋبليكاسى ۇكىمەتىنىڭ №754 قاۋلىسى شىقتى. «قازاقستان رەسپۋبليكاسىنىڭ شارۋاشىلىق جۇرگىزۋ قۇقى بار رەسپۋبليكالىق مەملەكەتتىك كاسىپورنى «قوستاناي مەملەكەتتىك پەداگوگيكالىق ۋنيۆەرسيتەتىنە» ومىرزاق سۇلتانعازيننىڭ ەسىمى بەرىلسىن» دەلىنگەن قاۋلىدا. بۇل ۇستازدار مەن ستۋدەنتتەردىڭ كوپتەن كۇتكەن ۇسىنىسى مەن تىلەگى بولاتىن.
«الەمدىك دەڭگەيدەگى عالىمنىڭ ەسىمىن الىپ ءجۇرۋ ءبىلىم ورداسىنا ءبىر جاعى قۋانىش, ەكىنشىدەن جاۋاپكەرشىلىك جۇكتەيدى. ستۋدەنتتەرىمىز ءۇشىن ومىرزاق سۇلتانعازيننىڭ ءومىرى مەن عىلىمداعى ەڭبەگىن ءبىلۋدىڭ ءوزى ۇلكەن رۋحاني بايلىق بولىپ تابىلادى جانە بولاشاق ۇستازدار قازاق حالقىنىڭ ءىرى تۇلعاسىنا ۇقساپ باقسا, ۇلگى ەتسە دەپ ويلايمىز» دەيدى ۋنيۆەرسيتەت رەكتورى ەركىن ءابىل.
الداعى ۋاقىتتا ءبىلىم ورداسىنىڭ الدىنا دەمەۋشىلەر ەسەبىنەن عالىمنىڭ ەسكەرتكىشى ورناتىلاتىن بولادى.
ءنازيرا جارىمبەت,
«ەگەمەن قازاقستان»
قوستاناي
