اقتاۋ قالالىق اكىمدىگىنىڭ قولداۋىمەن «كاسپي» اكك» اق مەن «Velociti.kz» قوعامدىق قورى بىرلەسىپ ۇيىمداستىرعان ۆەلوجارىسقا اقتاۋ قالاسىنىڭ تۇرعىندارى مەن قوناقتارى, وبلىستىق وتباسىلىق ۇلگىدەگى بالالار اۋىلى تاربيەلەنۋشىلەرى مەن ش.ەسەنوۆ اتىنداعى كمتجيۋ ستۋدەنتتەرى, ءىرى كومپانيالار وكىلدەرى قاتىستى.
تەڭىز جاعالاپ جارىسقا تۇسكەندەر 2,5 شاقىرىم قاشىقتىقتى باعىندىردى. ءاربىر ادامنىڭ ءوز دەنساۋلىعىنا جاۋاپكەرشىلىكپەن قاراپ, ونى نىعايتۋعا ۇمتىلۋىن, سالاۋاتتى ءومىر سالتىن داستۇرگە اينالدىرۋدى ماقسات ەتكەن سايىستىڭ جەڭىمپازدارى «Aqtaybike» ۆەلوسيپەدىمەن سايىسقا تۇسكەندەر جانە جەكە ۆەلوسيپەدىمەن سايىسقا تۇسكەندەر اتتى ەكى نوميناتسيا بويىنشا انىقتالىپ, «كاسپي» اكك» اق-نىڭ ەستەلىك سىيلىقتارىمەن ماراپاتتالدى.
– سايىستى ۇيىمداستىرۋشىلارعا العىس ايتامىن, سايىس جوعارى دەڭگەيدە جانە قىزىقتى ءوتتى. تۇرعىنداردىڭ دەنساۋلىعىن نىعايتىپ, جىگەرىن شىڭداي ءتۇسۋ ءۇشىن سپورتتىق سايىستار وتە قاجەت, اسىرەسە ءبىزدىڭ ولكەمىزدە مۇنداي سايىستاردى جىل بويى وتكىزۋگە بولادى, دەيدى «Aqtaybike» ۆەلوسيپەدىمەن سايىسقا تۇسكەندەر اراسىنان جەڭىمپاز اتانعان ا.قيساەۆا.
قالا تۇرعىندارى مەن قوناقتارىنا قالا بويىنشا قوعامدىق كولىكتەرمەن اۆتوموبيلدەرگە بالاما كولىك رەتىندە ۆەلوسيپەدتەردى ۇسىناتىن «Aqtaybike» الەۋەمتتىك جوباسى 2018 جىلى باستالدى. ءوز قىزىقتى باستامالارىمەن قۋانتقان جوبا ەندىگى كەزەكتە قىزىقتى سەلفي, وزگە دە جوبالارىن باستاۋدى جوسپارلاپ وتىر.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
