ورتالىقتىڭ اشىلۋ سالتاناتىنا قاتىسقان «ازاماتتارعا ارنالعان ۇكىمەت» كوممەرتسيالىۇق ەمەس اكتسيونەرلىك قوعامى وڭىرلىك فيليالىنىڭ ديرەكتورى قانات تولەپ ۇلى كوشى-قون ورتالىعى نەگىزىنەن قازاقستان مەن شەت ەل ازاماتتارىنا كورسەتىلەتىن مەملەكەتتىك قىزمەت ساپاسىن جوعارىلاتۋ, قولايلى جاعداي جاساۋ جانە قىزمەتتى پايلانۋشى مەن قىزمەت كورسەتۋشى اراسىنداعى سىبايلاس جەمقورلىق تاۋەكەلىن جويۋ ماقساتىندا قۇرىلعانىن اتاپ ءوتتى.
«جىل باسىنان بەرى قوستانايلىقتارعا 650 مىڭ مەملەكەتتىك قىزمەت كورسەتىلدى, ونىڭ 10 پروتسەنتى ەلەكتروندىق فورماتتا بولدى.جاڭا اشىلعان ورتالىقتا حالىقتىڭ كوشى-قونىنا بايلانىستى 21 قۇجات بەرۋ بويىنشا مەملەكەتتىك قىزمەتتىڭ 13 ءتۇرى كورسەتىلەدى. دەمەك, وسىنداي سەرۆيستىك ۇلگىدەگى ورتالىقتار قۇرۋ ماقساتى مەملەكەتتىك قىزمەتتى بارىنشا اۆتوماتتاندىرۋ جانە مەملەكەتتىك ورگاندار دەرەكقورىن بىرىكتىرۋ بولىپ تابىلادى» دەيدى قانات تولەپ ۇلى.
«تۇرعىندارعا بارلىق كوشى-قون قىزمەتى ەلەكتروندىق كەزەك تارتىبىمەن ء«بىر تەرەزە» ۇستانىمى بويىنشا كورسەتىلەدى. ول ءۇشىن ورتالىقتا بارلىق جاعداي بار. ەگەر بۇرىن ازاماتترارعا ءبىر قۇجات ءۇشىن بىرنەشە مەكەمەلەرگە بارۋ كەرەك بولسا, قازىر سونىڭ بارلىعىن كوشى-قون ورتالىعىنانا الادى» دەدى وبلىستىق دەپارتامەنت پوليتسياسى كوشى-قون قىزمەتى باسقارماسىنىڭ باستىعى قايرات دۇتپاەۆ. وزبەكستان تۇرعىنى ۋچكۋن كاريموۆ كوشى-قون ورتالىعى اشىلىسىمەن قۇجاتىن العاش العانداردىڭ ءبىرى ەكەن.
«مەن كوپ ۋاقىتتاردان بەرى قازاقستاندا جۇمىس ىستەيمىن. سوندىقتان كوشى-قونعا بايلانىستى قىزمەت تۇرلەرىن تالاي رەت الۋىما تۋرا كەلگەن. مىسالى, شەتەلدىك ازاماتقا سالىق تولەۋ ءۇشىن جتن الۋ كەرەك. بۇرىن مۇنداي ءنومىردى الۋ ءۇشىن بىرنەشە كۇنىڭ كەتەتىن. ال قازىر ول ءبىر ساتتە قولىڭدا بولادى. مۇندا تەرمينالدار كومەگى بويىنشا سالىق تا تولەي بەرەدى ەكەنسىڭ. بۇل كىمگە دە بوسلا وتە ىڭعايلى» دەيدى ۋچكۋن.
ورتالىقتا مۇگەدەك جاندار ءۇشىن پاندۋستار, كولىك قوياتىن ورىندار, مەديتسينالىق كابينەت, «قازپوشتا» كاسساسى, حالىق بانكىنىڭ تەرمينالى بار. تسيفرلاندىرۋدىڭ ارقاسىندا جۇمىس تا, قۇجات تولتىرۋ دا جەڭىلدەدى, مولدىرلىك ءوز الدىنا تاعى اڭگىمە.
ءنازيرا جارىمبەت,
«ەگەمەن قازاقستان»
قوستاناي
