پاۆلوداردا قىس مەزگىلىندە كومىرمەن قامتاماسىز ەتۋدى باقىلاۋعا الاتىن جۇمىس توبى قۇرىلدى

رەيد بارىسىندا وبلىس ورتالىعىنداعى كومىر ساتاتىن 4 ورىننىڭ بىرىندە زاڭسىزدىق انىقتالىپ, اكىمشىلىك حاتتاما جاسالدى.

ال, وڭتۇستىك ستانساسى 38 مەكەن-جايىندا ورنالاسقان كومىر ساتۋ ورىندارى ساپاسىز, باعاسى ارزان «گامما» «سارىكول» جشس-تارى كەنىشتەرىنەن الىنعان كومىردى ساتۋمەن اينالىسقاندىقتان بۇل ورىن جابىلدى.

جۇمىس توبى جۇرگىزىلگەن رەيد بارىسىندا كومىر باعاسىنىڭ ارزانداعانى دا بايقالدى.

مىسالى, «ەليت KZ» جشس-ءنىڭ تەمىرجول تۇيىعىنداعى مايكوبە كومىرىنىڭ ءبىر تونناسىنىڭ باعاسى 11 مىڭ تەڭگە, شۇباركولدىڭ كومىرى 16000 تەڭگەگە ساتىلۋدا.

باسقارمانىڭ مالىمەتىنشە, قىس مەزگىلىندەگى حالىق تۇتىناتىن كومىر باعاسىن رەتتەۋ, ساپالاى كومىر جەتكىزۋدى باقىلايتىن جۇمىس توبىنىڭ رەيد جۇمسىتارى جالعاسادى. ءتىپتى, قاڭتاردان باستاپ كومىردىڭ قۇنىن ءبىرشاما تومەندەتۋدە  جوسپارلانىپ وتىر.

سونداي-اق وبلىس اكىمدىگى «مايكوبەن-ۆەست» جشس جانە «بوگاتىر كومىر» جشس كەنىشتەرىمەن ءوڭىر تۇرعىندارىنىڭ قىستان قىسىلماي شىعۋلارى ءۇشىن كومىر  ساتۋشىلارعا كومىردى كەنىشتەن ءبىرىنشى كەزەكتە بوساتۋ جونىندە كەلىسىمگە قول جەتكىزدى.

فاريدا بىقاي,

«ەگەمەن قازاقستان»

پاۆلودار