الاش قوزعالىسى كوسەمىنىڭ ەڭبەكتەرى مەن عىلىمي دارا جولىن تالداۋ ءۇشىن تاشكەنت, رەسەي, تۇركيا, وزبەكستان, قىرعىزستان مەملەكەتتەرىنەن جانە قازاقستاننىڭ بىرقاتار قالالارىنان عالىمدار مەن پروفەسسورلار مۇنايلى استانادا باس قوستى.
وبلىس اكىمى نۇرلان نوعاەۆ قاتىسقان پلەنارلىق ماجىلىستە حالەل دوسمۇحامەد ۇلىنىڭ ەڭبەكتەرىن بايانداۋمەن قاتار, عالىم ەڭبەكتەرىن جاستار اراسىندا ناسيحاتتاۋ ماسەلەسى ءسوز بولدى.
- قازىرگى جاھاندانۋ كەزەڭىندە دە سوناۋ جىلدارى حالەل دوسمۇحامەدوۆ باستاعان الاش زيالىلارىنىڭ باستامالارى مەن يدەيالارى, ەل,جەر, تاۋەلسىزدىك تاريحي ارقاشان سانامىزدا جاڭعىرادى. پروفەسسوردىڭ عىلىمي ءومىرىن, وعان قاتىستى بارلىق ماعلۇماتتاردى يگەرگەن مامانسىزدار. جاڭا ءبىلىم مەن جاڭاشىل ويلار تالقىعا ءتۇسىپ, بۇگىنگى كوتەرىلگەن ماسەلەلەر كونفەرەنتسيا قورىتىندىسى بويىنشا شەشىمىن تاباتىنىنا سەنەمىن, - دەدى ايماق باسشىسى.
كونفەرەنتسيا اياسىندا شەت ەلدەن كەلگەن جانە جەرگىلىكتى ماماندار باياندامالارىن وقىپ, ورتاق وي تاستاپ, پروفەسسوردىڭ عىلىمي جولىنداعى دەرەكتەردى جاڭعىرتتى.
جيىننان سوڭ كەلگەن قوناقتار قالاداعى ارناۋلى وقۋ ورىندارىندا «حالەلتانۋ» كۋرستارىن وتكىزىپ, ستۋدەنتتەرگە ارنايى ءدارىس وقىدى.
