اقتاۋ قالاسىنىڭ 55 جىلدىعىنا ارنالعان سپورت شاراسىنا ەلىمىزدىڭ استانا, قىزىلوردا, شىمكەنت, اقتوبە, اتىراۋ, باتىس قازاقستان, ماڭعىستاۋ وبلىسى پالۋاندارىمەن بىرگە, بيىل تۇڭعىش رەت شەتەلدەن, ياعني وزبەكستان رەسپۋبلياسىنان سپورتشىلار قاتىستى.
ەكى كۇنگە سوزىلعان سايىستا مىقتىلار انىقتالىپ, ولار ارنايى مەدالدار مەن اقشالاي سىيلىقتارعا يە بولدى.
- سايىس جوعارى دەڭگەيدە ءوتتى. سايىستىڭ ۇيىمداستىرىلۋىنا استانادان جانە وزبەكستان ەلىنەن كەلگەن جاتتىقتىرۋشىلار جوعارى باعا بەرۋدە. وزبەكستاننان وزگە دە مەملەكەتتەر قىزىعۋشىلىق تانىتۋدا, سوندىقتان بۇل جاقسىلىقتىڭ باستاماسى دەپ ويلايمىن, كەلەسى جىلى ءتۋرنيرىمىز رەسپۋليكالىق ەمەس, حالىقارالىق دەڭگەيدە ءوتۋى ابدەن مۇمكىن. ەل باسىنا كۇن تۋعان الاساپىران كەزەڭدە اتقا قونىپ, ەل قورعاعان شوتان نازار ۇلىنىڭ ەرلىگى, ەلجاندىلىعى ۇرپاق بويىنا ءسىڭىپ, جاس ۇرپاق ەلىن سۇيگەن مەيىربان, ەلىن قورعار شىمىر بولىپ وسسە دەيمىز, سونداي-اق سايىستىڭ وتكىزىلۋىنە قولداۋ كورسەتكەن بارشا قولداۋشى, دەمەۋشىلەرگە ريزاشىلىق بىلدىرەمىن, دەيدى «شوتان باتىر» قوعامدىق قورىنىڭ ديرەكتورى الىبەك ادامبەرگەن ۇلى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
