- قوعامنىڭ قۇرىلعانىنا 12 جىل بولدى. وسى ۋاقىتقا دەيىن 1700 بالاعا كومەك كورسەتىلدى. ول 2500 وتا مەن ەم-شارالار قارجىلاندىرىلعانىن بىلدىرەدى. ويتكەنى كەي بالالار بىرنەشە وتا جاساتادى. 2006 جىلى الەۋمەتتىك جەلىلەر جوق ەدى, ينتەرنەتتە فورۋمدار عانا بولاتىن. سول كەزدە ەرىكتىلەر قاتارىندا بولىپ جۇرگەندە وسىنداي ۇلكەن جوباعا ۇلاسارىن بىلمەدىك, - دەيدى قوعام قايراتكەرى.
- بۇگىنگى كۇنگە دەيىن 3 050 000 000 تەڭگە جينالدى. بۇل سوما 280 تەڭگەلىك حابارلامالار, باسقا كومپانيالاردىڭ كومەگىمەن جينالدى. 300 مىڭ اقش دوللارىن ەلباسىنىڭ قايىرىمدىلىق قورى ءبولدى. بۇنىڭ بارلىعى كىشكەنتاي قادامداردان باستالعان بولاتىن.
جاستارعا ايتارىم - وزىڭىزگە ۇنايتىن ىسپەن اينالاسىڭدار. سوندا عانا ءار ءىسىڭىز وزىڭىزگە عانا ەمەس, اينالاڭىزعا دا پايدالى بولىپ, باقىتقا بولەيسىز.
بارلىعىمىز ءبىر قالانىڭ, ءبىر ەلدىڭ تۇرعىندارى بولعانىمىز ءۇشىن ءبىر-بىرىمىزگە كومەكتەسىپ تۇرۋىمىز كەرەك, - دەيدى ارۋجان ساين.
