بۇل ەسىم جانكۇيەرلەرمەن جاقسى تانىس. 48 جاستاعى شىمكەنت قالاسىنىڭ تۋماسى تالاي بايراقتى باسەكەدە ەل نامىسىن ابىرويلى قورعاپ, جانكۇيەرلەردىڭ قوشەمەتىنە بولەندى. اتاپ ايتساق, 2002 جانە 2006 جىلدارى الەم چەمپيونى اتاندى. ازيا ويىندارىندا 1 التىن, 2 كۇمىس جانە 3 قولا مەدالدى ولجالادى. قۇرلىق بىرىنشىلىگىندە تالاي مارتە جەڭىس تۇعىرىنا كوتەرىلىپ, كوپتەگەن حالىقارالىق دودالاردا دايارلانادى. 2000-2012 جىلدار ارالىعىندا ءتورت بىردەي وليمپيا ويىندارىنا قاتىستى. 2004 جىلى افينىداعى جارىستا ولگا ءتورتىنشى ورىنعا تابان تىرەدى. ۇلكەن سپورتتاعى ەڭبەگى ەلەنگەن دوۆگۋن «قۇرمەت» وردەنىمەن ماراپاتتالدى.
جاسىراتىنى جوق, قازىرگى كەزدە سپورتتىڭ بۇل ءتۇرىنىڭ دامۋ بارىسى ەلىمىزدە ءبىراز باسەڭدەپ قالدى. ەندى ولگا دوۆگۋنداي مايتالمان مامان سول ولقىلىقتىڭ ورنىن تولتىرۋعا بارىنشا كۇش سالادى دەگەن ۇمىتتەنەمىز.
عالىم سۇلەيمەن,
«ەگەمەن قازاقستان»
