بۇگىنگى تاڭدا الەم چەمپيونى اتاعىن 27 جاستاعى ماگنۋس كارلسەن يەلەنۋدە. بۇل اتاققا ول 2013 جىلى قول جەتكىزدى. ۇمىتكەرلەر ماتچىندا رەسەيلىك ۆلاديمير كرامنيكتى قاپى قالدىرعان سكانديناۆيا تۇبەگىنىڭ تۇلەگى الەمدىك ءتاج ءۇشىن تارتىستا ۇندىستاندىق ۆيشۆاناتان اناندتان باسىم ءتۇستى. ال يتاليادا تۋىپ-ءوسىپ, بۇل كۇندەرى اقش-تا تۇرىپ جاتقان 26 جاستاعى فابيانو كارۋانا ۇستىمىزدەگى جىلدىڭ ناۋرىز ايىندا بەرليندە وتكەن تۋرنيردە سەگىز ساڭلاقتىڭ اراسىنان سۋىرىلىپ شىعىپ, چەمپيوندىق اتاق ءۇشىن تالاسۋ قۇقىعىن جەڭىپ الدى. سول كەزدىڭ وزىندە-اق مايتالمان ماماندار كارلسەن مەن كارۋانا اراسىنداعى باسەكەنىڭ اسا شيەلەنىستى وتەتىنىن الدىن-الا بولجاعان بولاتىن.
راسىندا دا سولاي بولدى. ولار ءبىر-بىرىنە لايىقتى قارسىلاس ەكەن. چەمپيوندىق ءتاج ءۇشىن تالاس 9 قاراشادا باستالعان. سول كەزدەن بەرى 12 پارتيا وينالدى. ەكەۋى دە ءالى ءبىر-ءبىرىنىڭ وسال تۇسىن تابا العان جوق. 12 ويىننىڭ بارلىعى دا تەڭ اياقتالدى. ەسەپ – 6:6. ەندى كىمنىڭ الەم چەمپيونى اتاناتىنى ەرتەڭ تاي-برەيكتە انىقتالادى.
عالىم سۇلەيمەن,
«ەگەمەن قازاقستان»
