بۇگىندە پوليتسيانىڭ 1500 قوعامدىق كومەكشىلەرى بار. جۇرتشىلىقپەن ەسەپ بەرۋ كەزدەسۋىندە وبلىستىق پوليتسيا دەپارتامەنتىنىڭ باستىعى بەكەت ايماعامبەتوۆ قىلمىسكەردى قۇرىقتاۋدا ۇلكەن كومەك كورسەتكەن 4 ازاماتتى ماراپاتتادى. سونىمەن قاتار, كەزدەسۋدە بەكەت ايماعامبەتوۆ تۇرعىنداردى قۇقىق بۇزۋشىلىققا توزبەۋگە شاقىردى.
ء«بىز قازىر ءبىر جارىم مىڭنان اسا قوعامدىق كومەكشىلەرمەن قويان-قولتىق جۇمىس ىستەيمىز. قىلمىستى اشقاندا, اكىمشىلىك قۇقىقبۇزۋشىلىقتى انىقتاعاندا جانە قوعامدىق ءتارتىپتى ساقتاۋعا بەلسەنە قاتىسقان ولاردىڭ ەڭبەگى وتە زور. بيىل پوليتسەيلەر وزىنە كومەكتەسكەن 190 قوعامدىق كومەكشىلەردى كوتەرمەلەپ, ىنتالاندىردى» دەدى بەكەت يمان ۇلى.
قىلمىسكەردى ۇستاۋعا جانە جوعالعان ادامداردى تابۋعا كومەكتەسكەنى ءۇشىن ماراپاتتالعانداردىڭ اراسىندا جوعارى سىنىپ وقۋشىسى نۇرلان شايسۇلتانوۆ تا بار. ول دۇكەنگە قاراقشىلىق جاساعان قىلمىسكەردى ۇستاعان بولاتىن. ارام پيعىلدى قىلمىسكەردىڭ قولىندا پىشاق بولاتىن, بىراق وقۋشى قورىقپاي, ايلا-امالىن تاۋىپ, پوليتسيا كەلگەنشە-اق ونى ۇستاپ تۇردى. پوليتسيا دەپارتامەنتى باستىعىنىڭ قولىنان ماراپات العان ولەسيا لوگوشينوۆاچەۆسكايا ۆولونتەرلەر توبىن ۇيىمداستىرىپ, جوعالىپ كەتكەن 15 ادامدى تابۋعا كومەكتەستى.
ءنازيرا جارىمبەت,
«ەگەمەن قازاقستان»
قوستاناي
