كەزدەسۋ بارىسىندا تاراپتار ساياسي, ەكونوميكالىق جانە ساۋدا ىنتىماقتاستىعىنىڭ جاي-كۇيى مەن پەرسپەكتيۆالارىن, عىلىم مەن ءبىلىم بەرۋ سالاسىنداعى ءوزارا ارەكەتتەستىكتى, سونداي-اق قۇقىقتىق بازانى كەڭەيتۋدى تالقىلاپ, حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
ر. محاۋلە قازاقستاننىڭ 2017-2018 جىلدارداعى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە تابىستى جۇمىسىن اتاپ ءوتتى. وڭتۇستىك افريكا دەلەگاتسياسى افريكاداعى بەيبىتشىلىك پەن قاۋىپسىزدىكتى قولداۋ, تەرروريزمگە, يادرولىق قارۋدى تاراتپاۋعا جانە ورنىقتى دامۋعا قارسى تۇرۋعا باعىتتالعان ەلىمىزدىڭ قىزمەتىن جوعارى باعالادى.
ءوز كەزەگىندە, ە. اشىقباەۆ وڭتۇستىك افريكانى 2019-2020 جىلدارداعى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سايلانۋىمەن قۇتتىقتادى. بۇۇ جانە باسقا دا حالىقارالىق ۇيىمدار اياسىنداعى جەمىستى ىنتىماقتاستىققا ءۇمىت ءبىلدىردى.
ە. اشىقباەۆ سىرتقى ىستەر ءمينيسترى قايرات ءابدىراحمانوۆتىڭ وڭتۇستىك افريكانىڭ حالىقارالىق قاتىناستار جانە ىنتىماقتاستىق ءمينيسترى لينديۆە سيسۋلۋدىڭ اتىنا استاناعا ساپارمەن كەلۋگە جەكە شاقىرۋىن تاپسىردى. تاراپتار وڭتۇستىك افريكا سىرتقى ساياسي ۆەدومستۆوسى باسشىسىنىڭ قازاقستانعا ساپارى ەكى جاقتى قاتىناستاردىڭ جان-جاقتى دامۋىنا سەرپىن بەرەتىنىنە سەنىم ءبىلدىردى.
كونسۋلتاتسيالاردىڭ قورىتىندىسى بويىنشا دەلەگاتسيالار باسشىلارى مەملەكەتارالىق قاتىناستاردىڭ بارلىق سالالارىندا ىنتىماقتاستىقتى دامىتۋدىڭ جوعارى الەۋەتىن اتاپ ءوتتى. تاراپتار ەكى ەلدىڭ سىرتقى ساياسي ۆەدومستۆولارىنىڭ ەكى جاقتى بايلانىستاردى كەڭەيتۋ مەن تەرەڭدەتۋ جانە حالىقارالىق قۇرىلىمدار شەڭبەرىندەگى ءوزارا ءىس-قيمىلدى نىعايتۋ مۇددەسىندە كۇش-جىگەردى ۇيلەستىرۋ بويىنشا اتقارعان جۇمىستىڭ ماڭىزدىلىعىن اتاپ ءوتتى.
كەزدەسۋ قورىتىندىسى بويىنشا قازاقستان رەسپۋبليكاسى مەن وڭتۇستىك افريكا رەسپۋبليكاسى اراسىنداعى ەكى جاقتى ساياسي كونسۋلتاتسيالاردىڭ 6-شى وتىرىسىنىڭ حاتتاماسىنا قول قويىلىپ, قر سىرتقى ىستەر مينيسترلىگى جانىنداعى كونسۋلتاتسيالاردىڭ كەلەسى راۋندىن وتكىزۋ تۋرالى كەلىسىمگە قول جەتكىزىلدى. ءىس-شارانىڭ وتكىزىلۋ مەرزىمى ديپلوماتيالىق ارنالار ارقىلى انىقتالادى
