«باتىس» وڭىرلىك قولباسشىلىعىنىڭ باستاماسىمەن ۇيىمداستىرىلعان كونفەرەنتسياعا اتىراۋ, اقتاۋ جانە اقتوبە گارنيزونىنىڭ باسشىلىق جانە كومانديرلەر قۇرامى قاتىستى.
كونفەرەنتسيا بارىسىندا جاۋىنگەرلىك جانە جەدەل دايىندىق ۇردىسىنە سوعىستىڭ زاماناۋي, ءداستۇرلى مەسە جانە گيبريدتى تۇرلەرى مەن ادىستەرىن ەسكەرە وتىرا نوۆاتورلىق يدەيالاردى ەنگىزۋ ماسەلەلەرى تالقىلاندى.
«باتىس» وڭىرلىك قولباسشىلىعىنىڭ اسكەرلەرى قولباسشىسى گەنەرال-مايور قانىش ابۋباكيروۆتىڭ ايتۋى بويىنشا, بۇگىنگى كۇنى اسكەري قاقتىعىستاردىڭ ىشىندە «گيبريدتىك قاۋىپتىلىك» تارىزدەس ۇعىم كەڭ جايىلۋدا.
- بۇل قارسىلاستىن كوزدەگەن ماقساتىنا جەتۋ ءۇشىن سوعىس جۇرگىزۋ كەزىندە قالىپتاسقان ءداستۇرلى جانە ءداستۇرلى ەمەس تۇرلەرىن قاتار قولداناتىن ەرەكشە ءادىس بولىپ تابىلادى. ءبىز بۇل ۇعىمنىڭ ءمانىڭ ءتۇسىنۋىمىز كەرەك. وفيتسەرلەر وزدەرىنىڭ بايانداماسى كەزىندە الەمدە بولىپ جاتقان اسكەري شيەلەنىستەردى ەسكەرە وتىرا ۇلكەن ساراپتامالىق جۇمىستى جۇرگىزە الدى. بىرقاتار ۇسىنىستار مەن ساراپتامالىق مالىمەتتەردى الدىنعى جىلداعى جاۋىنگەرلىك دايىندىق باعدارلاماسىنا قوسامىز دەگەن ويدامىز, دەدى قولباسشى ق.اۋباكيروۆ.
بۇل تارىزدەس اسكەري-عىلىمي كونفەرەنتسيا اتىراۋ قالاسىندا العاش رەت وتكىزىلىپ, اسكەري قىزمەتشىلەر اراسىندا ۇلكەن قىزىعۋشىلىق تۋدىردى. كونفەرەنتسيا سونىندا وڭىرلىك قولباسشىلىقتىڭ اعىمداعى جىلدىڭ قورتىندىسى جاسالىپ, 2019 وقۋ جىلىنا تاپسىرمالار بەلگىلەندى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
