قحر توراعاسى سي تسزينپينمەن رەسمي كەزدەسۋ بارىسىندا باقىتجان ساعىنتاەۆ قر پرەزيدەنتى نۇرسۇلتان نازارباەۆتىڭ جىلى لەبىزىن جانە مەملەكەت باسشىسىنىڭ 2019 جىلى رەسمي ساپارمەن قازاقستانعا شاقىرۋىن جەتكىزدى. قازىرگى تاڭدا قحر — قر-نىڭ ءىرى سىرتقى ساۋدا سەرىكتەسى, ەلدەردىڭ ەكىجاقتى ساۋدا-ەكونوميكالىق ىنتىماقتاستىعىنىڭ كوپتەگەن سالالارىندا كەلەشەگى زور.
ءوز كەزەگىندە قىتاي توراعاسى قر پرەزيدەنتىنە سالەمىن جولداپ, مەملەكەتارالىق قارىم-قاتىناستاردىڭ جوعارى دەڭگەيىن اتاپ ءوتتى, ءارى پرەزيدەنت ن. نازارباەۆتىڭ باسشىلىعىمەن قازاقستان زور جەتىستىكتەرگە قول جەتكىزگەنىن, قىتاي قازاقستان حالقىنىڭ ءوزىنىڭ ەگەمەن جولىمەن جۇرۋگە دەگەن تالپىنىسىن قولدايتىنىن جەتكىزدى. سي تسزينپين «بەلدەۋ جانە جول» باستاماسىنىڭ بەسجىلدىعىنا دا نازار اۋداردى. قحر توراعاسى باعدارلامانىڭ يدەياسى 2013 جىلعى 7 قىركۇيەكتە استاناداعى نازارباەۆ ۋنيۆەرسيتەتى الاڭىندا ايتىلعانىن ەسكە سالىپ, ونى نۇرسۇلتان نازارباەۆپەن بىرلەسىپ ۇسىنىلعان باستاما دەپ سانايتىنىن جەتكىزدى.
