سونىمەن قاتار التايدىڭ قازاقتار مەن ەۋرازيانىڭ باسقا دا حالىقتارىنىڭ تاريحىندا الار ورنى ەرەكشە ەكەنىنە توقتالعان.
«وسىناۋ اسقار تاۋلار عاسىرلار بويى قازاقستان جەرىنىڭ ءتاجى عانا ەمەس, كۇللى تۇركى الەمىنىڭ بەسىگى سانالدى. ءدال وسى وڭىردە ءبىزدىڭ ءداۋىرىمىزدىڭ ءى مىڭجىلدىعىنىڭ ورتا شەنىندە تۇركى دۇنيەسى پايدا بولىپ, ۇلى دالا توسىندە جاڭا كەزەڭ باستالدى», دەلىنگەن ەلباسى ماقالاسىندا.
قازاقستان جەرىندەگى ەجەلگى قالالاردىڭ الەم تاريحىندا الار ورنى تۋرالى ايتا وتىرىپ, قوجا احمەت ياساۋي مەن ءابۋ ناسىر ءال-ءفارابيدىڭ قازاق توپىراعىندا عۇمىر كەشكەنىن ايتىپ وتكەن.
ەلباسىنىڭ ايتۋىنشا, وراسان زور كەڭىستىكتى يگەرە بىلگەن تۇركىلەر ۇلانعايىر دالادا كوشپەلى جانە وتىرىقشى وركەنيەتتىڭ وزىندىك ورنەگىن قالىپتاستىرىپ, ونەر مەن عىلىمنىڭ جانە الەمدىك ساۋدانىڭ ورتالىعىنا اينالعان ورتاعاسىرلىق قالالاردىڭ گۇلدەنۋىنە جول اشقان.
