كەڭەس وتىرىسى بارىسىندا ەلباسى جولداۋى مەن قازاقستان حالقى اسسامبلەياسىنىڭ ءححVى سەسسياسىندا بەرىلگەن تاپسىرمالاردى ىسكە اسىرۋ بارىسى تالقىلاندى.
ل.پروكوپەنكو ءوز سوزىندە قازاقستان حالقى اسسامبلەياسىنىڭ مۇشەلەرى الداعى جاستار جىلىنا ارنالعان جاڭا جوبالار ازىرلەپ جاتقانىن اڭگىمەلەدى.
«2019 جىلى «جاڭعىرۋ جولى» رەسپۋبليكالىق جاستار قوزعالىسىنىڭ جول كارتاسى جۇزەگە اسىرىلادى. بۇل جوبا اياسىندا بارلىق ساناتتاعى جاستارىمىزدى قولداۋعا ارنالعان 19 وزىندىك جوبا جاسالادى. سونداي-اق قازاقستان حالقى اسسامبلەياسى ەلىمىزدىڭ ءار ءوڭىرى بويىنشا بۇقارالىق مەكتەپ ءتۋريزمىن قولعا الادى. ء«وز جەرىڭدى تانىپ-ءبىل!» جوباسى اياسىندا رەسپۋبليكالىق-تۋريستىك «ەل تانۋ» ەكسپەديتسياسى ءوز جۇمىسىن باستايدى», دەدى ول.
سونداي-اق ونىڭ ايتۋىنشا, جاستار اراسىنداعى اسكەري-پاتريوتتىق تاربيەنى كۇشەيتۋ ماقساتىندا دوستىق ۇيلەرىنىڭ جانىنان اسكەري-پاتريوتتىق كلۋبتار اشىلادى.
«ەلباسىنىڭ باستامالارىن اقپاراتتىق تۇرعىدا جۇيەلى تۇردە قولداۋ ءۇشىن قازاقستان حالقى اسسامبلەياسى «جاڭعىرۋ ەلشىلەرى» جوباسىن جۇزەگە اسىرادى. ونىڭ پۋلىنا ءارتۇرلى سالالاردىڭ ۇزدىك وكىلدەرى ەنەدى», دەدى لەونيد پروكوپەنكو.
سونداي-اق ول قازاقستان حالقى اسسامبلەياسى مۇشەلەرى بيىلعى جىلى ەلباسىنىڭ 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىن ءتۇسىندىرۋ جۇمىستارى بويىنشا 1940 ءىس-شارا وتكىزىپ, 12 ارنايى جوبا ازىرلەگەنىن ايتىپ ءوتتى.
بۇدان ءارى قازاقستان حالقى اسسامبلەياسىنىڭ 2025 جىلعا دەيىنگى دامۋ تۇجىرىمداماسىنىڭ جوباسى قارالدى. قاتىسۋشىلار اسسامبلەيانىڭ ەتنومادەني بىرلەستىكتەرىن قوعامدىق اككرەديتاتسيالاۋ جانە اككرەديتتەۋ جونىندەگى ەرەجەنى, سونداي-اق رەسپۋبليكالىق كوميسسيانىڭ قۇرامىن اككرەديتتەۋدەن وتكىزۋ كەستەسىن بەكىتتى. ءىس-شارا سوڭىندا قازاقستان حالقى اسسامبلەياسى توراعاسىنىڭ «بىرلىك» التىن مەدالى, «جومارت جان» توسبەلگىسى, قحا توراعاسىنىڭ «قۇرمەت» گراموتاسى مەن العىس حاتىنا كانديداتۋرالار ۇسىنىلدى.
مارجان تىلەۋبەك,
«ەگەمەن قازاقستان»
