جاقىندا الماتى وبلىستىق «ورلەۋ» بىلىكتىلىكتى ارتتىرۋ ورتالىعىندا وسى بايقاۋ قورتىندىلانىپ, وزىق تاجىريبەسىمەن وزعان وقىتۋشىلار ماراپاتتالدى. شاراعا ءبىلىم جانە عىلىم مينيسترلىگىنىڭ تەحنيكالىق جانە كاسىپتىك ءبىلىم بەرۋ دەپارتامەنتىنىڭ سەرىكتەستىك جانە حالىقارالىق جوبالار ءبولىمىنىڭ باسشىسى ر.شيرگاتوۆا, «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ باسقارما ءتورايىمى گ.احمەتوۆا, الماتى قالاسىنداعى كوللەدجدەر قاۋىمداستىعىنىڭ توراعاسى ج.ازيزحانوۆپەن ۇستازدار قاۋىمى قاتىستى.
بايقاۋعا ەلىمىزدىڭ بارلىق وبلىستارى مەن شىمكەنت, الماتى, استانا قالالارىنان 152 كوللەدج پەداگوگتارى قاتىسقان ەكەن. كەزەڭ-كەزەڭ وتكەن بايقاۋدىڭ اقتىق سىنىنا 17 ۇمىتكەر تاڭدالىپ, وزىق پەداگوگيكالىق تاجىريبەسىن ورتاعا سالۋ مۇمكىندىگىنە يە بولدى. قازىلار القاسىنىڭ شەشىمى بويىنشا «جاڭاشىل پەداگوگ» اتاعى قوستاناي وبلىسىنان كەلگەن ۇمىتكەر ولگا رازمانوۆاعا, «شىعارماشىل پەداگوگ» اتاعى جامبىل وبلىسىنىڭ ۇستازى مايا مۇستافينا مەن اقتوبلىك دينارا ورازاوۆاعا بەرىلدى. مۇنان بولەك اتىراۋلىق مۇعالىم ا. تىلەۋعاليەۆا مەن باتىسقازاقستاندىق ۇستاز ز. الدەكەشوۆا «شەبەر - پەداگوگ» اتانىپ, بايقاۋدىڭ «شابىتتاندىرۋشى پەداگوگ» اتاعى الماتى وبلىسىنان قاتىسۋشى ا. وقباەۆا مەن وسكەمەندىك ت. زامياتيناعا بەرىلدى. ال وسى جىلدىڭ «كوشباسشى پەداگوگى» اتاۋى قىزىلوردا وبلىسىنان كەلىپ قاتىسۋشى داناگۇل امانگەلديەۆا مەن قاراعاندىلىق وقىتۋشى جانسايا نۇرعاليەۆاعا بۇيىردى. ال بايقاۋ قورتىندىسى بويىنشا الماتى مەملەكەتتىك پوليتەحنيكالىق كوللەدجىنىڭ پەداگوگى ناعاشىگۇل كوسەروۆا جۇلدەلى 1 ورىندى, اقمولا وبلىسىنداعى №1 قۇرىلىس-تەحنيكالىق كوللەدجى پەداگوگى ايكەن قوجاحمەتوۆا 2 ورىندى, 3 ورىندى استانا قالاسىنداعى قازاق تەحنولوگيا جانە بيزنەس ۋنيۆەرسيتەتى كوللەدجىنىڭ پەداگوگى مۇحامەدراحىم يەلەنىپ, «ورلەۋ» بىلىكتىلىكتى ارتتىرۋ ورتالىعى تاعايىنداعان اقشالاي سىيلىقتارمەن ماراپاتتالدى.
- ينكليۋزيۆتى ءبىلىم بەرۋ – ەرەكشە ءبىلىم بەرۋ قاجەتتىلىگى بار بالالاردىڭ وزدەرىن قوعامنىڭ تولىققاندى مۇشەسى سەزۋىنە جول اشادى. جاس ۇرپاق اراسىندا تولەرانتتىلىقتى دامىتىپ ولاردىڭ ءوزىن-ءوزى باعالاي بىلۋىنە, قورشاعان ورتاعا سۇيىسپەنشىلىكپەن قاراۋعا مۇمكىندىك بەرەدى. ال بالالاردىڭ ومىرگە دەگەن قۇشتارلىعىن بىلىمەن بىرگە ارتتىرۋ جولىندا پەداگوگتىڭ ءرولى زور. دەمەك, بيىل «ورلەۋ» ورتالىعى ۇيىمداستىرعان «تەحنيكالىق جانە كاسىپتىك ءبىلىم بەرۋدەگى ينكليۋزيۆتى ءبىلىم بەرۋدىڭ ۇزدىك پەداگوگى» بايقاۋى ءوزارا تاجىريبە الماسۋ كوپىرى, جاڭاشا ويلاۋدىڭ, وزىق ءبىلىم بەرۋ تەحنولوگيالارىن يگەرۋ بويىنشا دا وي-پىكىر الماسۋدىڭ الەۋەتتى الاڭى بولدى دەپ سەنىممەن ايتا الامىز, - دەيدى الماتى وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ باس مامانى ايگۇل نۇراقباەۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى
